Job 9.15
Vulgate

Intervention n° 3 de Job

¹ et respondens Iob ait
² vere scio quod ita sit et quod non iustificetur homo conpositus Deo
Job 4.17 Job 25.4 Romains 3.20 Psaumes 143.2 1 Rois 8.46
³ si voluerit contendere cum eo non poterit ei respondere unum pro mille
Job 10.2 Job 40.2 Psaumes 40.12 Job 34.14-34.15 1 Jean 3.20
⁴ sapiens corde est et fortis robore quis restitit ei et pacem habuit
Job 36.5 Job 9.19 Proverbes 29.1 Ephésiens 3.10 Ephésiens 3.20
⁵ qui transtulit montes et nescierunt hii quos subvertit in furore suo
Zacharie 14.4-14.5 Psaumes 46.2 Esaïe 40.12 1 Corinthiens 13.2 Apocalypse 6.14
⁶ qui commovet terram de loco suo et columnae eius concutiuntur
Esaïe 2.21 Psaumes 75.3 Aggée 2.6 Hébreux 12.26 Esaïe 2.19
⁷ qui praecipit soli et non oritur et stellas claudit quasi sub signaculo
Esaïe 13.10 Luc 21.25-21.26 Amos 8.9 Job 38.19-38.20 Job 37.7
⁸ qui extendit caelos solus et graditur super fluctus maris
Esaïe 40.22 Psaumes 104.2-104.3 Esaïe 44.24 Jérémie 10.11 Zacharie 12.1
⁹ qui facit Arcturum et Oriona et Hyadas et interiora austri
Amos 5.8 Genèse 1.16 Job 38.31-38.41 Actes 28.13 Job 37.9
¹⁰ qui facit magna et inconprehensibilia et mirabilia quorum non est numerus
Job 5.9 Psaumes 72.18 Psaumes 71.15 Romains 11.33 Ecclésiaste 3.11
¹¹ si venerit ad me non videbo si abierit non intellegam eum
Job 23.8-23.9 Job 35.14 1 Timothée 6.16 Psaumes 77.19
¹² si repente interroget quis respondebit ei vel quis dicere potest cur facis
Esaïe 45.9 Job 11.10 Job 23.13 Job 34.29 Job 33.13
¹³ Deus cuius resistere irae nemo potest et sub quo curvantur qui portant orbem
Esaïe 30.7 Job 26.12 Psaumes 89.10 Esaïe 51.9 Jacques 4.6-4.7
¹⁴ quantus ergo sum ego qui respondeam ei et loquar verbis meis cum eo
Job 25.6 Job 23.4 Job 11.4-11.5 Job 23.7 1 Rois 8.27
¹⁵ qui etiam si habuero quippiam iustum non respondebo sed meum iudicem deprecabor
Job 10.15 Job 8.5 Job 5.8 Job 10.2 Job 23.7
¹⁶ et cum invocantem exaudierit me non credo quod audierit vocem meam
Exode 6.9 Psaumes 66.18-66.20 Job 29.24 Actes 12.14-12.16 Psaumes 116.1-116.2
¹⁷ in turbine enim conteret me et multiplicabit vulnera mea etiam sine causa
Job 2.3 Job 16.14 Job 34.6 Job 30.22 Job 2.7
¹⁸ non concedit requiescere spiritum meum et implet me amaritudinibus
Job 7.19 Lamentations 3.15 Job 27.2 Job 3.20 Psaumes 88.7
¹⁹ si fortitudo quaeritur robustissimus est si aequitas iudicii nemo pro me audet testimonium dicere
Job 9.4 1 Corinthiens 1.25 Job 9.32-9.33 Psaumes 62.11 Job 31.35
²⁰ si iustificare me voluero os meum condemnabit me si innocentem ostendere pravum me conprobabit
Job 34.35 Job 15.5-15.6 Philippiens 3.12-3.15 Psaumes 143.2 Job 32.1-32.2
²¹ etiam si simplex fuero hoc ipsum ignorabit anima mea et taedebit me vitae meae
Job 1.1 Psaumes 139.23-139.24 Job 7.21 1 Jean 3.20 Proverbes 28.26
²² unum est quod locutus sum et innocentem et impium ipse consumit
Ecclésiaste 9.1-9.3 Job 10.8 Luc 13.2-13.4 Ezéchiel 21.3-21.4
²³ si flagellat occidat semel et non de poenis innocentum rideat
Job 1.13-1.19 2 Samuel 14.15 2 Samuel 14.17 Job 24.12 Job 8.20
²⁴ terra data est in manu impii vultum iudicum eius operit quod si non ille est quis ergo est
Job 24.25 Job 10.3 Job 12.17 Esther 6.12 Daniel 5.18-5.21
²⁵ dies mei velociores fuerunt cursore fugerunt et non viderunt bonum
Job 7.6-7.7 Jacques 4.14 Psaumes 90.9-90.10 Psaumes 39.5 Psaumes 89.47
²⁶ pertransierunt quasi naves poma portantes sicut aquila volans ad escam
Habakuk 1.8 Esaïe 18.2 2 Samuel 1.23 Proverbes 23.5 Lamentations 4.19
²⁷ cum dixero nequaquam ita loquar commuto faciem meam et dolore torqueor
Job 7.13 Job 7.11 Jérémie 8.18 Psaumes 77.2-77.3
²⁸ verebar omnia opera mea sciens quod non parceres delinquenti
Psaumes 119.120 Exode 20.7 Job 14.16 Psaumes 88.15-88.16 Psaumes 130.3
²⁹ si autem et sic impius sum quare frustra laboravi
Psaumes 37.33 Job 10.2 Job 22.5-22.30 Job 9.22 Job 10.7
³⁰ si lotus fuero quasi aquis nivis et fulserint velut mundissimae manus meae
Jérémie 2.22 1 Jean 1.8 Jérémie 4.14 Job 31.7 Proverbes 28.13
³¹ tamen sordibus intingues me et abominabuntur me vestimenta mea
Esaïe 64.6 Job 15.6 Job 9.20 Esaïe 59.6 Philippiens 3.8-3.9
³² neque enim viro qui similis mei est respondebo nec qui mecum in iudicio ex aequo possit audiri
Romains 9.20 Ecclésiaste 6.10 Psaumes 143.2 Nombres 23.19 Jérémie 49.19
³³ non est qui utrumque valeat arguere et ponere manum suam in ambobus
1 Samuel 2.25 Job 9.19 Psaumes 106.23 1 Rois 3.16-3.28 1 Jean 2.1-2.2
³⁴ auferat a me virgam suam et pavor eius non me terreat
Psaumes 39.10 Job 33.7 Job 13.11 Job 31.23 Psaumes 90.11
³⁵ loquar et non timebo eum neque enim possum metuens respondere