Job 24.17
Vulgate

¹ ab Omnipotente non sunt abscondita tempora qui autem noverunt eum ignorant dies illius
Actes 1.7 Ecclésiaste 8.6-8.7 Ecclésiaste 3.17 2 Pierre 3.7-3.8 Psaumes 73.16-73.19
² alii terminos transtulerunt diripuerunt greges et paverunt eos
Deutéronome 19.14 Deutéronome 27.17 Proverbes 23.10 Proverbes 22.28 Job 1.15
³ asinum pupillorum abigerunt et abstulerunt pro pignore bovem viduae
Deutéronome 24.6 Job 22.6-22.9 Deutéronome 24.17-24.21 Job 31.16-31.17 1 Samuel 12.3
⁴ subverterunt pauperum viam et oppresserunt pariter mansuetos terrae
Proverbes 28.28 Job 24.14 Amos 2.7 Ezéchiel 18.18 Proverbes 22.16
⁵ alii quasi onagri in deserto egrediuntur ad opus suum vigilantesque ad praedam praeparant panem liberis
Psaumes 104.23 Job 39.5-39.7 Job 12.6 Genèse 16.12 Jean 18.28
⁶ agrum non suum demetunt et vineam eius quem vi oppresserunt vindemiant
Michée 6.15 Deutéronome 28.33 Juges 6.3-6.6 Deutéronome 28.51
⁷ nudos dimittunt homines indumenta tollentes quibus non est operimentum in frigore
Exode 22.26-22.27 Job 22.6 Deutéronome 24.11-24.13 Genèse 31.40 Job 24.10
⁸ quos imbres montium rigant et non habentes velamen amplexantur lapides
Lamentations 4.5 Hébreux 11.38 Cantique 5.2
⁹ vim fecerunt depraedantes pupillos et vulgum pauperem spoliaverunt
Néhémie 5.5 2 Rois 4.1
¹⁰ nudis et incedentibus absque vestitu et esurientibus tulerunt spicas
Amos 2.7-2.8 Amos 5.11-5.12 Deutéronome 24.19
¹¹ inter acervos eorum meridiati sunt qui calcatis torcularibus sitiunt
Jacques 5.4 Jérémie 22.13 Deutéronome 25.4
¹² de civitatibus fecerunt viros gemere et anima vulneratorum clamavit et Deus inultum abire non patitur
Ecclésiaste 4.1 Romains 2.4-2.5 Job 9.23 Psaumes 109.22 Exode 22.27
¹³ ipsi fuerunt rebelles luminis nescierunt vias eius nec reversi sunt per semitas illius
Jean 3.19-3.20 Romains 3.11-3.17 2 Thessaloniciens 2.10-2.12 Jean 15.6 Romains 2.17-2.24
¹⁴ mane primo consurgit homicida interficit egenum et pauperem per noctem vero erit quasi fur
1 Thessaloniciens 5.2 Apocalypse 3.3 Psaumes 10.8-10.10 Luc 12.39 Michée 2.1-2.2
¹⁵ oculus adulteri observat caliginem dicens non me videbit oculus et operiet vultum suum
Psaumes 10.11 Proverbes 7.9-7.10 2 Samuel 12.12 Psaumes 94.7 Ezéchiel 9.9
¹⁶ perfodit in tenebris domos sicut in die condixerant sibi et ignoraverunt lucem
Jean 3.20 Job 24.13 Ephésiens 5.11-5.13 Ezéchiel 12.12 Matthieu 6.19
¹⁷ si subito apparuerit aurora arbitrantur umbram mortis et sic in tenebris quasi in luce ambulant
Job 3.5 Jérémie 2.26 Apocalypse 6.16-6.17 2 Corinthiens 5.10-5.11 Psaumes 73.18-73.19
¹⁸ levis est super faciem aquae maledicta sit pars eius in terra nec ambulet per viam vinearum
Esaïe 23.10 Psaumes 58.7 Proverbes 3.33 Job 9.26 Deutéronome 28.16-28.20
¹⁹ ad nimium calorem transeat ab aquis nivium et usque ad inferos peccatum illius
Psaumes 49.14 Job 21.13 Job 6.15-6.17 Job 21.32-21.34 Proverbes 14.32
²⁰ obliviscatur eius misericordia dulcedo illius vermes non sit in recordatione sed conteratur quasi lignum infructuosum
Proverbes 10.7 Daniel 4.14 Job 18.16-18.17 Job 17.14 Matthieu 3.10
²¹ pavit enim sterilem et quae non parit et viduae bene non fecit
Job 29.13 1 Samuel 1.6-1.7 Job 22.9 Job 24.3 Job 31.16-31.18
²² detraxit fortes in fortitudine sua et cum steterit non credet vitae suae
Daniel 6.4-6.9 Apocalypse 17.2 Jean 19.12-19.16 Esther 3.8-3.10 Apocalypse 16.13-16.14
²³ dedit ei Deus locum paenitentiae et ille abutitur eo in superbiam oculi autem eius sunt in viis illius
Proverbes 15.3 Apocalypse 2.23 Esaïe 56.12 1 Thessaloniciens 5.3 Proverbes 5.21
²⁴ elevati sunt ad modicum et non subsistent et humiliabuntur sicut omnia et auferentur et sicut summitates spicarum conterentur
Psaumes 37.10 Job 8.22 Esaïe 17.5-17.6 Apocalypse 14.14-14.20 Job 14.21
²⁵ quod si non est ita quis me potest arguere esse mentitum et ponere ante Deum verba mea
Job 9.24 Job 11.2-11.3 Job 15.2 Job 6.28 Job 27.4