Ezéchiel 6.5
Septante

Elimination de l’idolâtrie

¹ καὶ ἐγένετο λόγος κυρίου πρός με λέγων.
² υἱὲ ἀνθρώπου στήρισον τὸ πρόσωπόν σου ἐπὶ τὰ ὄρη Ισραηλ καὶ προφήτευσον ἐπ’ αὐτὰ.
Ezéchiel 34.14 Ezéchiel 35.12 Ezéchiel 36.1 Ezéchiel 20.46 Ezéchiel 19.9
³ καὶ ἐρεῖς τὰ ὄρη Ισραηλ ἀκούσατε λόγον κυρίου τάδε λέγει κύριος τοῖς ὄρεσιν καὶ τοῖς βουνοῖς καὶ ταῖς φάραγξιν καὶ ταῖς νάπαις ἰδοὺ ἐγὼ ἐπάγω ἐφ’ ὑμᾶς ῥομφαίαν καὶ ἐξολεθρευθήσεται τὰ ὑψηλὰ ὑμῶν.
Lévitique 26.30 Michée 6.2 Esaïe 27.9 Ezéchiel 36.1-36.4 Ezéchiel 36.8
⁴ καὶ συντριβήσονται τὰ θυσιαστήρια ὑμῶν καὶ τὰ τεμένη ὑμῶν καὶ καταβαλῶ τραυματίας ὑμῶν ἐνώπιον τῶν εἰδώλων ὑμῶν.
2 Chroniques 14.5 Lévitique 26.30 2 Rois 23.14 Ezéchiel 6.13 2 Rois 23.16-23.20
⁵ καὶ διασκορπιῶ τὰ ὀστᾶ ὑμῶν κύκλῳ τῶν θυσιαστηρίων ὑμῶν.
Jérémie 8.1-8.2 2 Rois 23.16 2 Rois 23.14
⁶ ἐν πάσῃ τῇ κατοικίᾳ ὑμῶν αἱ πόλεις ἐξερημωθήσονται καὶ τὰ ὑψηλὰ ἀφανισθήσεται ὅπως ἐξολεθρευθῇ τὰ θυσιαστήρια ὑμῶν καὶ συντριβήσονται τὰ εἴδωλα ὑμῶν καὶ ἐξαρθήσεται τὰ τεμένη ὑμῶν.
Michée 1.7 Esaïe 6.11 Ezéchiel 5.14 Zacharie 13.2 Lévitique 26.30
⁷ καὶ πεσοῦνται τραυματίαι ἐν μέσῳ ὑμῶν καὶ ἐπιγνώσεσθε ὅτι ἐγὼ κύριος.
Daniel 6.26-6.27 Exode 7.5 2 Rois 19.19 Ezéchiel 11.10 Ezéchiel 13.14
⁸ ἐν τῷ γενέσθαι ἐξ ὑμῶν ἀνασῳζομένους ἐκ ῥομφαίας ἐν τοῖς ἔθνεσιν καὶ ἐν τῷ διασκορπισμῷ ὑμῶν ἐν ταῖς χώραις.
Ezéchiel 14.22 Jérémie 44.28 Ezéchiel 12.16 Jérémie 44.14 Esaïe 6.13
⁹ καὶ μνησθήσονταί μου οἱ ἀνασῳζόμενοι ἐξ ὑμῶν ἐν τοῖς ἔθνεσιν οὗ ᾐχμαλωτεύθησαν ἐκεῖ ὀμώμοκα τῇ καρδίᾳ αὐτῶν τῇ ἐκπορνευούσῃ ἀπ’ ἐμοῦ καὶ τοῖς ὀφθαλμοῖς αὐτῶν τοῖς πορνεύουσιν ὀπίσω τῶν ἐπιτηδευμάτων αὐτῶν καὶ κόψονται πρόσωπα αὐτῶν ἐν πᾶσι τοῖς βδελύγμασιν αὐτῶν.
Ezéchiel 20.43 Esaïe 7.13 Psaumes 78.40 Jérémie 51.50 Ezéchiel 20.7
¹⁰ καὶ ἐπιγνώσονται διότι ἐγὼ κύριος λελάληκα.
Ezéchiel 6.7 Zacharie 1.6 Jérémie 5.12-5.14 Ezéchiel 14.22-14.23 Daniel 9.12
¹¹ τάδε λέγει κύριος κρότησον τῇ χειρὶ καὶ ψόφησον τῷ ποδὶ καὶ εἰπόν εὖγε εὖγε ἐπὶ πᾶσιν τοῖς βδελύγμασιν οἴκου Ισραηλ ἐν ῥομφαίᾳ καὶ ἐν θανάτῳ καὶ ἐν λιμῷ πεσοῦνται.
Ezéchiel 5.12 Ezéchiel 25.6 Ezéchiel 9.4 Apocalypse 18.16-18.19 Jérémie 16.4
¹² ὁ ἐγγὺς ἐν ῥομφαίᾳ πεσεῖται ὁ δὲ μακρὰν ἐν θανάτῳ τελευτήσει καὶ ὁ περιεχόμενος ἐν λιμῷ συντελεσθήσεται καὶ συντελέσω τὴν ὀργήν μου ἐπ’ αὐτούς.
Ezéchiel 5.13 Lamentations 4.22 Daniel 9.7 Lamentations 4.11 Esaïe 40.2
¹³ καὶ γνώσεσθε διότι ἐγὼ κύριος ἐν τῷ εἶναι τοὺς τραυματίας ὑμῶν ἐν μέσῳ τῶν εἰδώλων ὑμῶν κύκλῳ τῶν θυσιαστηρίων ὑμῶν ἐπὶ πάντα βουνὸν ὑψηλὸν καὶ ὑποκάτω δένδρου συσκίου οὗ ἔδωκαν ἐκεῖ ὀσμὴν εὐωδίας πᾶσι τοῖς εἰδώλοις αὐτῶν.
Ezéchiel 20.28 Osée 4.13 1 Rois 14.23 Jérémie 2.20 Ezéchiel 6.4-6.7
¹⁴ καὶ ἐκτενῶ τὴν χεῖρά μου ἐπ’ αὐτοὺς καὶ θήσομαι τὴν γῆν εἰς ἀφανισμὸν καὶ εἰς ὄλεθρον ἀπὸ τῆς ἐρήμου Δεβλαθα ἐκ πάσης τῆς κατοικίας καὶ ἐπιγνώσεσθε ὅτι ἐγὼ κύριος.
Esaïe 5.25 Esaïe 9.12 Ezéchiel 20.33-20.34 Esaïe 9.21 Ezéchiel 14.13