Proverbes 29.15
Septante

Des attitudes opposées

¹ κρείσσων ἀνὴρ ἐλέγχων ἀνδρὸς σκληροτραχήλου ἐξαπίνης γὰρ φλεγομένου αὐτοῦ οὐκ ἔστιν ἴασις.
Proverbes 6.15 1 Samuel 2.25 Jean 13.18 Proverbes 1.24-1.31 Jean 13.26
² ἐγκωμιαζομένων δικαίων εὐφρανθήσονται λαοί ἀρχόντων δὲ ἀσεβῶν στένουσιν ἄνδρες.
Proverbes 28.12 Esther 8.15 Proverbes 11.10 Proverbes 28.28 Esther 3.15
³ ἀνδρὸς φιλοῦντος σοφίαν εὐφραίνεται πατὴρ αὐτοῦ ὃς δὲ ποιμαίνει πόρνας ἀπολεῖ πλοῦτον.
Luc 15.30 Proverbes 10.1 Proverbes 27.11 Luc 15.13 Proverbes 6.26
⁴ βασιλεὺς δίκαιος ἀνίστησιν χώραν ἀνὴρ δὲ παράνομος κατασκάπτει.
Proverbes 29.14 2 Rois 15.18-15.20 Esaïe 49.8 Proverbes 16.12 Jérémie 22.13-22.17
⁵ ὃς παρασκευάζεται ἐπὶ πρόσωπον τοῦ ἑαυτοῦ φίλου δίκτυον περιβάλλει αὐτὸ τοῖς ἑαυτοῦ ποσίν.
Psaumes 5.9 Psaumes 12.2 Osée 5.1 Job 17.5 Proverbes 26.28
⁶ ἁμαρτάνοντι ἀνδρὶ μεγάλη παγίς δίκαιος δὲ ἐν χαρᾷ καὶ ἐν εὐφροσύνῃ ἔσται.
Proverbes 5.22 Psaumes 97.11 Psaumes 11.6 Proverbes 12.13 Psaumes 132.16
⁷ ἐπίσταται δίκαιος κρίνειν πενιχροῖς ὁ δὲ ἀσεβὴς οὐ συνήσει γνῶσιν καὶ πτωχῷ οὐχ ὑπάρχει νοῦς ἐπιγνώμων.
Psaumes 41.1 Job 29.16 Proverbes 21.13 Proverbes 31.8-31.9 Michée 3.1-3.4
⁸ ἄνδρες λοιμοὶ ἐξέκαυσαν πόλιν σοφοὶ δὲ ἀπέστρεψαν ὀργήν.
Proverbes 11.11 Jean 11.47-11.50 Proverbes 16.14 Exode 32.10-32.14 Jérémie 15.1
⁹ ἀνὴρ σοφὸς κρίνει ἔθνη ἀνὴρ δὲ φαῦλος ὀργιζόμενος καταγελᾶται καὶ οὐ καταπτήσσει.
Ecclésiaste 10.13 Proverbes 26.4 Matthieu 7.6 Matthieu 11.17-11.19
¹⁰ ἄνδρες αἱμάτων μέτοχοι μισήσουσιν ὅσιον οἱ δὲ εὐθεῖς ἐκζητήσουσιν ψυχὴν αὐτοῦ.
Genèse 4.5-4.8 1 Samuel 15.11 1 Jean 3.12-3.13 Jérémie 40.14-40.16 Jérémie 18.20
¹¹ ὅλον τὸν θυμὸν αὐτοῦ ἐκφέρει ἄφρων σοφὸς δὲ ταμιεύεται κατὰ μέρος.
Proverbes 12.16 Proverbes 19.11 Juges 16.17 Proverbes 12.23 Amos 5.13
¹² βασιλέως ὑπακούοντος λόγον ἄδικον πάντες οἱ ὑπ’ αὐτὸν παράνομοι.
1 Samuel 22.8-22.23 2 Rois 10.6-10.7 2 Samuel 3.7-3.11 Psaumes 52.2-52.4 1 Samuel 23.19-23.23
¹³ δανιστοῦ καὶ χρεοφειλέτου ἀλλήλοις συνελθόντων ἐπισκοπὴν ποιεῖται ἀμφοτέρων ὁ κύριος.
Proverbes 22.2 Psaumes 13.3 Matthieu 5.45 Néhémie 5.5-5.7 Ephésiens 2.1
¹⁴ βασιλέως ἐν ἀληθείᾳ κρίνοντος πτωχοὺς ὁ θρόνος αὐτοῦ εἰς μαρτύριον κατασταθήσεται.
Proverbes 16.12 Proverbes 25.5 Esaïe 11.4 Psaumes 72.2-72.4 Proverbes 29.4
¹⁵ πληγαὶ καὶ ἔλεγχοι διδόασιν σοφίαν παῖς δὲ πλανώμενος αἰσχύνει γονεῖς αὐτοῦ.
Proverbes 10.1 Proverbes 17.25 Proverbes 22.15 Proverbes 29.17 Proverbes 13.24
¹⁶ πολλῶν ὄντων ἀσεβῶν πολλαὶ γίνονται ἁμαρτίαι οἱ δὲ δίκαιοι ἐκείνων πιπτόντων κατάφοβοι γίνονται.
Psaumes 92.11 Psaumes 37.36 Psaumes 91.8 Psaumes 58.10 Psaumes 37.34
¹⁷ παίδευε υἱόν σου καὶ ἀναπαύσει σε καὶ δώσει κόσμον τῇ ψυχῇ σου.
Proverbes 13.24 Proverbes 29.15 Proverbes 22.15 Proverbes 23.13-23.14 Proverbes 10.1
¹⁸ οὐ μὴ ὑπάρξῃ ἐξηγητὴς ἔθνει παρανόμῳ ὁ δὲ φυλάσσων τὸν νόμον μακαριστός.
Jacques 1.25 Luc 11.28 Matthieu 9.36 1 Samuel 3.1 Romains 10.13-10.15
¹⁹ λόγοις οὐ παιδευθήσεται οἰκέτης σκληρός ἐὰν γὰρ καὶ νοήσῃ ἀλλ’ οὐχ ὑπακούσεται.
Proverbes 30.22 Job 19.16 Proverbes 26.3
²⁰ ἐὰν ἴδῃς ἄνδρα ταχὺν ἐν λόγοις γίνωσκε ὅτι ἐλπίδα ἔχει μᾶλλον ἄφρων αὐτοῦ.
Jacques 1.19 Proverbes 26.12 Proverbes 21.5 Ecclésiaste 5.2 Proverbes 14.29
²¹ ὃς κατασπαταλᾷ ἐκ παιδός οἰκέτης ἔσται ἔσχατον δὲ ὀδυνηθήσεται ἐφ’ ἑαυτῷ.
²² ἀνὴρ θυμώδης ὀρύσσει νεῖκος ἀνὴρ δὲ ὀργίλος ἐξώρυξεν ἁμαρτίας.
Proverbes 15.18 Proverbes 17.19 Proverbes 26.21 Proverbes 10.12 Jacques 3.16
²³ ὕβρις ἄνδρα ταπεινοῖ τοὺς δὲ ταπεινόφρονας ἐρείδει δόξῃ κύριος.
Matthieu 23.12 Luc 14.11 Esaïe 66.2 Proverbes 11.2 1 Pierre 5.5
²⁴ ὃς μερίζεται κλέπτῃ μισεῖ τὴν ἑαυτοῦ ψυχήν ἐὰν δὲ ὅρκου προτεθέντος ἀκούσαντες μὴ ἀναγγείλωσιν.
Lévitique 5.1 Proverbes 8.36 Proverbes 15.32 Marc 11.17 Proverbes 1.11-1.19
²⁵ φοβηθέντες καὶ αἰσχυνθέντες ἀνθρώπους ὑπεσκελίσθησαν ὁ δὲ πεποιθὼς ἐπὶ κύριον εὐφρανθήσεται ἀσέβεια ἀνδρὶ δίδωσιν σφάλμα ὃς δὲ πέποιθεν ἐπὶ τῷ δεσπότῃ σωθήσεται.
Luc 12.4 Psaumes 118.8 Psaumes 91.14 Proverbes 18.10 Proverbes 16.20
²⁶ πολλοὶ θεραπεύουσιν πρόσωπα ἡγουμένων παρὰ δὲ κυρίου γίνεται τὸ δίκαιον ἀνδρί.
Proverbes 19.6 Psaumes 20.9 Proverbes 19.21 Esther 4.16 Psaumes 62.12
²⁷ βδέλυγμα δικαίοις ἀνὴρ ἄδικος βδέλυγμα δὲ ἀνόμῳ κατευθύνουσα ὁδός.
Psaumes 139.21 1 Jean 3.13 Zacharie 11.8 Jean 15.17-15.19 Jean 15.23