Psaumes 6.7
Biblia Hebraica Stuttgartensia

Appel à la bonté de Dieu

¹ לַמְנַצֵּ֣חַ בִּ֭נְגִינֹות עַֽל־הַשְּׁמִינִ֗ית מִזְמֹ֥ור לְדָוִֽד׃
Psaumes 38.1 1 Chroniques 15.21 Jérémie 46.28 Psaumes 118.18 Jérémie 10.24
² (6.1) יְֽהוָ֗ה אַל־בְּאַפְּךָ֥ תֹוכִיחֵ֑נִי וְֽאַל־בַּחֲמָתְךָ֥ תְיַסְּרֵֽנִי׃
Osée 6.1 Nombres 12.13 Psaumes 31.10 Psaumes 30.2 Job 5.18
³ (6.2) חָנֵּ֥נִי יְהוָה֮ כִּ֤י אֻמְלַ֫ל אָ֥נִי רְפָאֵ֥נִי יְהוָ֑ה כִּ֖י נִבְהֲל֣וּ עֲצָמָֽי׃
Psaumes 90.13 Jean 12.27 Psaumes 31.9-31.10 Psaumes 38.8 Psaumes 22.14
⁴ (6.3) וְ֭נַפְשִׁי נִבְהֲלָ֣ה מְאֹ֑ד וְאַתָּ֥ה יְ֝הוָ֗ה עַד־מָתָֽי׃
Psaumes 17.13 Psaumes 22.20 Psaumes 116.4 Psaumes 80.14 Psaumes 90.13
⁵ (6.4) שׁוּבָ֣ה יְ֭הוָה חַלְּצָ֣ה נַפְשִׁ֑י הֹ֝ושִׁיעֵ֗נִי לְמַ֣עַן חַסְדֶּֽךָ׃
Ecclésiaste 9.10 Psaumes 88.10-88.12 Psaumes 30.9 Psaumes 115.17 Jean 9.4
⁶ (6.5) כִּ֤י אֵ֣ין בַּמָּ֣וֶת זִכְרֶ֑ךָ בִּ֝שְׁאֹ֗ול מִ֣י יֹֽודֶה־לָּֽךְ׃
Psaumes 69.3 Psaumes 42.3 Psaumes 38.9 Job 7.3 Psaumes 39.12
⁷ (6.6) יָגַ֤עְתִּי׀ בְּֽאַנְחָתִ֗י אַשְׂחֶ֣ה בְכָל־לַ֭יְלָה מִטָּתִ֑י בְּ֝דִמְעָתִ֗י עַרְשִׂ֥י אַמְסֶֽה׃
Job 17.7 Psaumes 38.10 Psaumes 88.9 Lamentations 5.17 Psaumes 32.3
⁸ (6.7) עָֽשְׁשָׁ֣ה מִכַּ֣עַס עֵינִ֑י עָֽ֝תְקָ֗ה בְּכָל־צֹורְרָֽי׃
Luc 13.27 Psaumes 119.115 Psaumes 3.4 Matthieu 7.23 Psaumes 139.19
⁹ (6.8) ס֣וּרוּ מִ֭מֶּנִּי כָּל־פֹּ֣עֲלֵי אָ֑וֶן כִּֽי־שָׁמַ֥ע יְ֝הוָ֗ה קֹ֣ול בִּכְיִֽי׃
Psaumes 66.19-66.20 Psaumes 116.1-116.2 Psaumes 31.22 Psaumes 120.1 Jonas 2.2
¹⁰ (6.9) שָׁמַ֣ע יְ֭הוָה תְּחִנָּתִ֑י יְ֝הוָ֗ה תְּֽפִלָּתִ֥י יִקָּֽח׃
Malachie 3.18 Jérémie 20.11 Psaumes 86.17 Psaumes 132.18 Psaumes 7.6
¹¹ (6.10) יֵבֹ֤שׁוּ׀ וְיִבָּהֲל֣וּ מְ֭אֹד כָּל־אֹיְבָ֑י יָ֝שֻׁ֗בוּ יֵבֹ֥שׁוּ רָֽגַע׃