Ecclésiaste 2.6
Vulgate

Les plaisirs, les richesses et le travail

¹ dixi ego in corde meo vadam et affluam deliciis et fruar bonis et vidi quod hoc quoque esset vanitas
Ecclésiaste 8.15 Luc 12.19 Ecclésiaste 1.16-1.17 Tite 3.3 Jacques 5.1
² risum reputavi errorem et gaudio dixi quid frustra deciperis
Proverbes 14.13 Ecclésiaste 7.2-7.6 Esaïe 22.12-22.13 Amos 6.3-6.6 1 Pierre 4.2-4.4
³ cogitavi in corde meo abstrahere a vino carnem meam ut animum meum transferrem ad sapientiam devitaremque stultitiam donec viderem quid esset utile filiis hominum quod facto opus est sub sole numero dierum vitae suae
Proverbes 20.1 Ecclésiaste 1.17 Ephésiens 5.18 Proverbes 31.4-31.5 Ecclésiaste 12.13
⁴ magnificavi opera mea aedificavi mihi domos plantavi vineas
1 Rois 7.1-7.12 Cantique 8.11-8.12 1 Chroniques 27.27 Daniel 4.30 Psaumes 49.11
⁵ feci hortos et pomeria et consevi ea cuncti generis arboribus
Cantique 4.12-5.1 Genèse 2.8-2.9 Cantique 6.2 Luc 17.27-17.29 Jérémie 39.4
⁶ extruxi mihi piscinas aquarum ut inrigarem silvam lignorum germinantium
Néhémie 2.14 Cantique 7.4 Psaumes 1.3 Jérémie 17.8
⁷ possedi servos et ancillas multamque familiam habui armenta quoque et magnos ovium greges ultra omnes qui fuerunt ante me in Hierusalem
Genèse 13.2 1 Chroniques 27.29-27.31 Néhémie 7.57 Job 42.12 Esdras 2.58
⁸ coacervavi mihi argentum et aurum et substantias regum ac provinciarum feci mihi cantores et cantrices et delicias filiorum hominum scyphos et urceos in ministerio ad vina fundenda
1 Rois 10.10 1 Rois 9.28 2 Samuel 19.35 1 Rois 10.14 Daniel 3.7
⁹ et supergressus sum opibus omnes qui fuerunt ante me in Hierusalem sapientia quoque perseveravit mecum
1 Chroniques 29.25 Ecclésiaste 1.16 1 Rois 10.23 2 Chroniques 9.22-9.23 1 Rois 3.12
¹⁰ et omnia quae desideraverunt oculi mei non negavi eis nec prohibui cor quin omni voluptate frueretur et oblectaret se in his quae paraveram et hanc ratus sum partem meam si uterer labore meo
Ecclésiaste 3.22 Ecclésiaste 5.18 Ecclésiaste 9.9 Psaumes 128.2 Ecclésiaste 2.22
¹¹ cumque me convertissem ad universa opera quae fecerant manus meae et ad labores in quibus frustra sudaveram vidi in omnibus vanitatem et adflictionem animi et nihil permanere sub sole
Ecclésiaste 1.14 Ecclésiaste 1.3 1 Jean 2.16-2.17 1 Timothée 6.6 Habakuk 2.13

Le même sort pour tous

¹² transivi ad contemplandam sapientiam erroresque et stultitiam quid est inquam homo ut sequi possit regem factorem suum
Ecclésiaste 1.17 Ecclésiaste 7.25 Ecclésiaste 1.9-1.10
¹³ et vidi quia tantum praecederet sapientia stultitiam quantum differt lux tenebris
Ecclésiaste 7.11-7.12 Matthieu 6.23 Ephésiens 5.8 Psaumes 119.130 Proverbes 4.5-4.7
¹⁴ sapientis oculi in capite eius stultus in tenebris ambulat et didici quod unus utriusque esset interitus
Proverbes 17.24 Psaumes 49.10 Ecclésiaste 3.19 Ecclésiaste 9.1-9.3 Ecclésiaste 9.11
¹⁵ et dixi in corde meo si unus et stulti et meus occasus erit quid mihi prodest quod maiorem sapientiae dedi operam locutusque cum mente mea animadverti quod hoc quoque esset vanitas
Ecclésiaste 6.8 1 Rois 3.12 Ecclésiaste 1.16 Ecclésiaste 1.2 Ecclésiaste 1.14
¹⁶ non enim erit memoria sapientis similiter ut stulti in perpetuum et futura tempora oblivione cuncta pariter obruent moritur doctus similiter et indoctus
Ecclésiaste 1.11 Ecclésiaste 9.5 Psaumes 88.12 Psaumes 103.16 Ecclésiaste 6.8
¹⁷ et idcirco taeduit me vitae meae videntem mala esse universa sub sole et cuncta vanitatem atque adflictionem spiritus
Ecclésiaste 2.11 Ecclésiaste 1.14 Jérémie 20.14-20.18 Habakuk 1.3 Ecclésiaste 4.2
¹⁸ rursum detestatus sum omnem industriam meam quae sub sole studiosissime laboravi habiturus heredem post me
Psaumes 39.6 Psaumes 49.10 1 Corinthiens 3.10 Ecclésiaste 5.13-5.14 Psaumes 17.14
¹⁹ quem ignoro utrum sapiens an stultus futurus sit et dominabitur in laboribus meis quibus desudavi et sollicitus fui et est quicquam tam vanum
Ecclésiaste 3.22 1 Rois 14.25-14.28 Luc 16.8 Jacques 1.17 Jacques 3.17
²⁰ unde cessavi renuntiavitque cor meum ultra laborare sub sole
Genèse 43.14 Psaumes 39.6-39.7 2 Corinthiens 1.8-1.10 1 Corinthiens 15.19 1 Thessaloniciens 3.3-3.4
²¹ nam cum alius laboret in sapientia et doctrina et sollicitudine homini otioso quaesita dimittit et hoc ergo vanitas et magnum malum
Ecclésiaste 2.17-2.18 Jérémie 22.17 2 Chroniques 33.2-33.9 Ecclésiaste 9.18 2 Chroniques 31.20-31.21
²² quid enim proderit homini de universo labore suo et adflictione spiritus qua sub sole cruciatus est
Ecclésiaste 1.3 Ecclésiaste 3.9 Philippiens 4.6 Matthieu 6.34 Matthieu 16.26
²³ cuncti dies eius doloribus et aerumnis pleni sunt nec per noctem mente requiescit et haec non vanitas est
Job 14.1 Job 5.7 Job 7.13-7.14 Psaumes 127.2 Psaumes 90.15
²⁴ nonne melius est comedere et bibere et ostendere animae suae bona de laboribus suis et hoc de manu Dei est
Ecclésiaste 3.22 Ecclésiaste 5.18-5.19 Ecclésiaste 8.15 Ecclésiaste 3.12-3.13 1 Timothée 6.17
²⁵ quis ita vorabit et deliciis affluet ut ego
Ecclésiaste 2.1-2.12 1 Rois 4.21-4.24
²⁶ homini bono in conspectu suo dedit Deus sapientiam et scientiam et laetitiam peccatori autem dedit adflictionem et curam superfluam ut addat et congreget et tradat ei qui placuit Deo sed et hoc vanitas et cassa sollicitudo mentis
Proverbes 13.22 Job 27.16-27.17 Jean 16.24 Proverbes 3.13-3.18 Proverbes 28.8