2 Chroniques 11.4
Vulgate

Règne de Roboam

¹ venit autem Roboam in Hierusalem et convocavit universam domum Iuda et Beniamin in centum octoginta milibus electorum atque bellantium ut dimicaret contra Israhel et converteret ad se regnum suum
1 Rois 12.21-12.24 Psaumes 33.10 Psaumes 33.16 Proverbes 21.30-21.31
² factusque est sermo Domini ad Semeiam hominem Dei dicens
2 Chroniques 12.15 1 Timothée 6.11 2 Chroniques 8.14 2 Chroniques 12.5-12.7 1 Samuel 2.27
³ loquere ad Roboam filium Salomonis regem Iuda et ad universum Israhel qui est in Iuda et Beniamin
Exode 24.4 Apocalypse 7.4-7.8 Philippiens 3.5 2 Rois 17.34 Genèse 49.28
⁴ haec dicit Dominus non ascendetis neque pugnabitis contra fratres vestros revertatur unusquisque in domum suam quia mea hoc gestum est voluntate qui cum audissent sermonem Domini reversi sunt nec perrexerunt contra Hieroboam
2 Chroniques 10.15-10.16 2 Chroniques 28.8-28.15 1 Rois 11.29-11.38 Genèse 50.20 2 Chroniques 25.7-25.10
⁵ habitavit autem Roboam in Hierusalem et aedificavit civitates muratas in Iuda
2 Chroniques 8.2-8.6 2 Chroniques 17.12 2 Chroniques 27.4 2 Chroniques 11.23 Esaïe 22.8-22.11
⁶ extruxitque Bethleem et Aetham et Thecue
1 Samuel 17.12 2 Samuel 14.2 Genèse 35.19 Jérémie 6.1 1 Chroniques 4.32
⁷ Bethsur quoque et Soccho et Odollam
Josué 15.35 Michée 1.15 2 Samuel 23.13 Josué 15.58 Josué 12.15
⁸ necnon Geth et Maresa et Ziph
Josué 15.44 Josué 15.24 1 Samuel 23.14 1 Chroniques 18.1 Psaumes 54.1
⁹ sed et Aduram et Lachis et Azecha
Josué 15.35 2 Chroniques 32.9 Josué 10.5 Josué 15.39 Josué 10.11
¹⁰ Saraa quoque et Ahilon et Hebron quae erant in Iuda et Beniamin civitates munitissimas
Josué 19.41-19.42 2 Samuel 2.11 Josué 14.14 Genèse 23.2 Josué 20.7
¹¹ cumque clausisset eas muris posuit in eis principes ciborumque horrea hoc est olei et vini
Esaïe 22.10-22.11 2 Chroniques 11.23 2 Chroniques 17.19
¹² sed et in singulis urbibus fecit armamentaria scutorum et hastarum firmavitque eas multa diligentia et imperavit super Iudam et Beniamin
2 Chroniques 32.5 2 Samuel 13.22 2 Chroniques 26.14-26.15 2 Samuel 13.19
¹³ sacerdotes autem et Levitae qui erant in universo Israhel venerunt ad eum de cunctis sedibus suis
¹⁴ relinquentes suburbana et possessiones suas et transeuntes ad Iudam et Hierusalem eo quod abiecisset eos Hieroboam et posteri eius ne sacerdotio Domini fungerentur
2 Chroniques 13.9 Nombres 35.2-35.5 1 Rois 12.28-12.33 Josué 21.20-21.42 Nombres 18.21-18.28
¹⁵ qui constituit sibi sacerdotes excelsorum et daemonum vitulorumque quos fecerat
1 Rois 12.28 1 Rois 13.33 1 Rois 12.31 Osée 8.5-8.6 Apocalypse 16.14
¹⁶ sed et de cunctis tribubus Israhel quicumque dederant cor suum ut quaererent Dominum Deum Israhel venerunt Hierusalem ad immolandas victimas Domino Deo patrum suorum
2 Chroniques 15.9 Daniel 6.14 Deutéronome 12.13-12.14 1 Chroniques 22.1 Osée 4.8
¹⁷ et roboraverunt regnum Iuda et confirmaverunt Roboam filium Salomonis per tres annos ambulaverunt enim in viis David et Salomonis annis tantum tribus
2 Chroniques 12.1 2 Chroniques 1.1-1.12 2 Chroniques 8.13-8.16 Matthieu 13.20-13.21 Osée 6.4
¹⁸ duxit autem Roboam uxorem Maalath filiam Hierimuth filii David Abiail quoque filiam Heliab filii Isai
1 Samuel 16.6 1 Samuel 17.13 1 Samuel 17.28 1 Chroniques 27.18 1 Chroniques 2.13
¹⁹ quae peperit ei filios Ieus et Somoriam et Zoom
²⁰ post hanc quoque accepit Maacha filiam Absalom quae peperit ei Abia et Ethai et Ziza et Salumith
2 Chroniques 13.2 2 Chroniques 12.16 2 Chroniques 11.21 1 Rois 15.1-15.2 Matthieu 1.7
²¹ amavit autem Roboam Maacha filiam Absalom super omnes uxores suas et concubinas nam uxores decem et octo duxerat concubinasque sexaginta et genuit viginti octo filios et sexaginta filias
Deutéronome 17.17 2 Samuel 3.2-3.5 2 Samuel 5.13 Juges 8.30 2 Chroniques 11.23
²² constituit vero in capite Abiam filium Maacha ducem super fratres suos ipsum enim regem facere cogitabat
Deutéronome 21.15-21.17 1 Chroniques 29.1 1 Chroniques 5.1-5.2
²³ qui sapientior fuit et potentior super omnes filios eius et in cunctis finibus Iuda et Beniamin et in universis civitatibus muratis praebuitque eis escas plurimas et multas petivit uxores
1 Rois 1.5-1.6 2 Chroniques 21.3 2 Chroniques 10.8-10.15 Luc 16.8 Genèse 25.6