Nombres 13.26
Septante

Des espions en Canaan

¹ καὶ ἐλάλησεν κύριος πρὸς Μωυσῆν λέγων.
² ἀπόστειλον σεαυτῷ ἄνδρας καὶ κατασκεψάσθωσαν τὴν γῆν τῶν Χαναναίων ἣν ἐγὼ δίδωμι τοῖς υἱοῖς Ισραηλ εἰς κατάσχεσιν ἄνδρα ἕνα κατὰ φυλὴν κατὰ δήμους πατριῶν αὐτῶν ἀποστελεῖς αὐτούς πάντα ἀρχηγὸν ἐξ αὐτῶν.
Deutéronome 1.22-1.25 Nombres 32.8 Nombres 34.18 Deutéronome 1.15 Nombres 11.16
³ καὶ ἐξαπέστειλεν αὐτοὺς Μωυσῆς ἐκ τῆς ἐρήμου Φαραν διὰ φωνῆς κυρίου πάντες ἄνδρες ἀρχηγοὶ υἱῶν Ισραηλ οὗτοι.
Nombres 32.8 Nombres 12.16 Deutéronome 1.19 Deutéronome 9.23 Deutéronome 1.23
⁴ καὶ ταῦτα τὰ ὀνόματα αὐτῶν τῆς φυλῆς Ρουβην Σαλαμιηλ υἱὸς Ζακχουρ.
⁵ τῆς φυλῆς Συμεων Σαφατ υἱὸς Σουρι.
⁶ τῆς φυλῆς Ιουδα Χαλεβ υἱὸς Ιεφοννη.
Nombres 14.6 Nombres 14.30 Nombres 13.30 Nombres 34.19 1 Chroniques 4.15
⁷ τῆς φυλῆς Ισσαχαρ Ιγααλ υἱὸς Ιωσηφ.
⁸ τῆς φυλῆς Εφραιμ Αυση υἱὸς Ναυη.
Exode 24.13 Nombres 11.28 Nombres 13.16 Exode 17.9-17.13 Josué 1.16
⁹ τῆς φυλῆς Βενιαμιν Φαλτι υἱὸς Ραφου.
¹⁰ τῆς φυλῆς Ζαβουλων Γουδιηλ υἱὸς Σουδι.
¹¹ τῆς φυλῆς Ιωσηφ τῶν υἱῶν Μανασση Γαδδι υἱὸς Σουσι.
¹² τῆς φυλῆς Δαν Αμιηλ υἱὸς Γαμαλι.
¹³ τῆς φυλῆς Ασηρ Σαθουρ υἱὸς Μιχαηλ.
¹⁴ τῆς φυλῆς Νεφθαλι Ναβι υἱὸς Ιαβι.
¹⁵ τῆς φυλῆς Γαδ Γουδιηλ υἱὸς Μακχι.
¹⁶ ταῦτα τὰ ὀνόματα τῶν ἀνδρῶν οὓς ἀπέστειλεν Μωυσῆς κατασκέψασθαι τὴν γῆν καὶ ἐπωνόμασεν Μωυσῆς τὸν Αυση υἱὸν Ναυη Ἰησοῦν.
Nombres 13.8 Nombres 14.30 Osée 1.1 Actes 7.45 Matthieu 1.21-1.23
¹⁷ καὶ ἀπέστειλεν αὐτοὺς Μωυσῆς κατασκέψασθαι τὴν γῆν Χανααν καὶ εἶπεν πρὸς αὐτούς ἀνάβητε ταύτῃ τῇ ἐρήμῳ καὶ ἀναβήσεσθε εἰς τὸ ὄρος.
Juges 1.9 Genèse 12.9 Juges 1.19 Genèse 13.1 Juges 1.15
¹⁸ καὶ ὄψεσθε τὴν γῆν τίς ἐστιν καὶ τὸν λαὸν τὸν ἐγκαθήμενον ἐπ’ αὐτῆς εἰ ἰσχυρότερός ἐστιν ἢ ἀσθενής εἰ ὀλίγοι εἰσὶν ἢ πολλοί.
Ezéchiel 34.14 Exode 3.8
¹⁹ καὶ τίς ἡ γῆ εἰς ἣν οὗτοι ἐγκάθηνται ἐπ’ αὐτῆς εἰ καλή ἐστιν ἢ πονηρά καὶ τίνες αἱ πόλεις εἰς ἃς οὗτοι κατοικοῦσιν ἐν αὐταῖς εἰ ἐν τειχήρεσιν ἢ ἐν ἀτειχίστοις.
²⁰ καὶ τίς ἡ γῆ εἰ πίων ἢ παρειμένη εἰ ἔστιν ἐν αὐτῇ δένδρα ἢ οὔ καὶ προσκαρτερήσαντες λήμψεσθε ἀπὸ τῶν καρπῶν τῆς γῆς καὶ αἱ ἡμέραι ἡμέραι ἔαρος πρόδρομοι σταφυλῆς.
Deutéronome 31.23 Néhémie 9.25 Néhémie 9.35 Ezéchiel 34.14 Hébreux 13.6
²¹ καὶ ἀναβάντες κατεσκέψαντο τὴν γῆν ἀπὸ τῆς ἐρήμου Σιν ἕως Ρααβ εἰσπορευομένων Εφααθ.
Nombres 33.36 Nombres 20.1 Nombres 27.14 Josué 15.1 Deutéronome 32.51
²² καὶ ἀνέβησαν κατὰ τὴν ἔρημον καὶ ἦλθον ἕως Χεβρων καὶ ἐκεῖ Αχιμαν καὶ Σεσσι καὶ Θελαμιν γενεαὶ Εναχ καὶ Χεβρων ἑπτὰ ἔτεσιν ᾠκοδομήθη πρὸ τοῦ Τάνιν Αἰγύπτου.
Psaumes 78.43 Psaumes 78.12 Esaïe 19.11 Josué 15.13-15.14 Esaïe 30.4
²³ καὶ ἤλθοσαν ἕως Φάραγγος βότρυος καὶ κατεσκέψαντο αὐτήν καὶ ἔκοψαν ἐκεῖθεν κλῆμα καὶ βότρυν σταφυλῆς ἕνα ἐπ’ αὐτοῦ καὶ ἦραν αὐτὸν ἐπ’ ἀναφορεῦσιν καὶ ἀπὸ τῶν ῥοῶν καὶ ἀπὸ τῶν συκῶν.
Nombres 32.9 Nombres 13.24 Deutéronome 1.24-1.25 Juges 16.4
²⁴ τὸν τόπον ἐκεῖνον ἐπωνόμασαν Φάραγξ βότρυος διὰ τὸν βότρυν ὃν ἔκοψαν ἐκεῖθεν οἱ υἱοὶ Ισραηλ.
²⁵ καὶ ἀπέστρεψαν ἐκεῖθεν κατασκεψάμενοι τὴν γῆν μετὰ τεσσαράκοντα ἡμέρας.
Exode 34.28 Exode 24.18 Nombres 14.33-14.34
²⁶ καὶ πορευθέντες ἦλθον πρὸς Μωυσῆν καὶ Ααρων καὶ πρὸς πᾶσαν συναγωγὴν υἱῶν Ισραηλ εἰς τὴν ἔρημον Φαραν Καδης καὶ ἀπεκρίθησαν αὐτοῖς ῥῆμα καὶ πάσῃ τῇ συναγωγῇ καὶ ἔδειξαν τὸν καρπὸν τῆς γῆς.
Nombres 32.8 Nombres 20.1 Nombres 20.16 Nombres 33.36 Josué 14.6
²⁷ καὶ διηγήσαντο αὐτῷ καὶ εἶπαν ἤλθαμεν εἰς τὴν γῆν εἰς ἣν ἀπέστειλας ἡμᾶς γῆν ῥέουσαν γάλα καὶ μέλι καὶ οὗτος ὁ καρπὸς αὐτῆς.
Exode 3.8 Deutéronome 26.11-26.15 Exode 13.5 Josué 5.6 Exode 3.17
²⁸ ἀλλ’ ἢ ὅτι θρασὺ τὸ ἔθνος τὸ κατοικοῦν ἐπ’ αὐτῆς καὶ αἱ πόλεις ὀχυραὶ τετειχισμέναι καὶ μεγάλαι σφόδρα καὶ τὴν γενεὰν Εναχ ἑωράκαμεν ἐκεῖ.
Deutéronome 1.28 Deutéronome 9.1-9.2 Nombres 13.33 Josué 11.22 Deutéronome 2.10-2.11
²⁹ καὶ Αμαληκ κατοικεῖ ἐν τῇ γῇ τῇ πρὸς νότον καὶ ὁ Χετταῖος καὶ ὁ Ευαῖος καὶ ὁ Ιεβουσαῖος καὶ ὁ Αμορραῖος κατοικεῖ ἐν τῇ ὀρεινῇ καὶ ὁ Χαναναῖος κατοικεῖ παρὰ θάλασσαν καὶ παρὰ τὸν Ιορδάνην ποταμόν.
Nombres 14.43 Nombres 24.20 Nombres 14.45 Genèse 15.19-15.21 1 Samuel 30.1
³⁰ καὶ κατεσιώπησεν Χαλεβ τὸν λαὸν πρὸς Μωυσῆν καὶ εἶπεν αὐτῷ οὐχί ἀλλὰ ἀναβάντες ἀναβησόμεθα καὶ κατακληρονομήσομεν αὐτήν ὅτι δυνατοὶ δυνησόμεθα πρὸς αὐτούς.
Nombres 14.24 Psaumes 27.1-27.2 Hébreux 11.33 Philippiens 4.13 Josué 14.6-14.8
³¹ καὶ οἱ ἄνθρωποι οἱ συναναβάντες μετ’ αὐτοῦ εἶπαν οὐκ ἀναβαίνομεν ὅτι οὐ μὴ δυνώμεθα ἀναβῆναι πρὸς τὸ ἔθνος ὅτι ἰσχυρότερόν ἐστιν ἡμῶν μᾶλλον.
Deutéronome 1.28 Josué 14.8 Nombres 32.9 Hébreux 3.19 Deutéronome 9.1
³² καὶ ἐξήνεγκαν ἔκστασιν τῆς γῆς ἣν κατεσκέψαντο αὐτήν πρὸς τοὺς υἱοὺς Ισραηλ λέγοντες τὴν γῆν ἣν παρήλθομεν αὐτὴν κατασκέψασθαι γῆ κατέσθουσα τοὺς κατοικοῦντας ἐπ’ αὐτῆς ἐστιν πᾶς ὁ λαός ὃν ἑωράκαμεν ἐν αὐτῇ ἄνδρες ὑπερμήκεις.
Nombres 14.36-14.37 Amos 2.9 Matthieu 23.13 Ezéchiel 36.13-36.14 1 Chroniques 20.6
³³ καὶ ἐκεῖ ἑωράκαμεν τοὺς γίγαντας καὶ ἦμεν ἐνώπιον αὐτῶν ὡσεὶ ἀκρίδες ἀλλὰ καὶ οὕτως ἦμεν ἐνώπιον αὐτῶν.
Genèse 6.4 Deutéronome 1.28 Deutéronome 3.11 Deutéronome 9.2 Esaïe 40.22