Osée 13.14
Biblia Hebraica Stuttgartensia

L’Éternel, seul vrai soutien d’Israël

¹ כְּדַבֵּ֤ר אֶפְרַ֨יִם֙ רְתֵ֔ת נָשָׂ֥א ה֖וּא בְּיִשְׂרָאֵ֑ל וַיֶּאְשַׁ֥ם בַּבַּ֖עַל וַיָּמֹֽת׃
Osée 11.2 Nombres 13.16 Josué 3.7 Luc 14.11 1 Samuel 15.17
² וְעַתָּ֣ה׀ יֹוסִ֣פוּ לַחֲטֹ֗א וַיַּעְשׂ֣וּ לָהֶם֩ מַסֵּכָ֨ה מִכַּסְפָּ֤ם כִּתְבוּנָם֙ עֲצַבִּ֔ים מַעֲשֵׂ֥ה חָרָשִׁ֖ים כֻּלֹּ֑ה לָהֶם֙ הֵ֣ם אֹמְרִ֔ים זֹבְחֵ֣י אָדָ֔ם עֲגָלִ֖ים יִשָּׁקֽוּן׃
Osée 2.8 Jérémie 10.4 1 Rois 19.18 Esaïe 46.6 Esaïe 44.17-44.20
³ לָכֵ֗ן יִֽהְיוּ֙ כַּעֲנַן־בֹּ֔קֶר וְכַטַּ֖ל מַשְׁכִּ֣ים הֹלֵ֑ךְ כְּמֹץ֙ יְסֹעֵ֣ר מִגֹּ֔רֶן וּכְעָשָׁ֖ן מֵאֲרֻבָּֽה׃
Osée 6.4 Psaumes 1.4 Psaumes 68.2 Esaïe 17.13 Daniel 2.35
⁴ וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם וֵאלֹהִ֤ים זֽוּלָתִי֙ לֹ֣א תֵדָ֔ע וּמֹושִׁ֥יעַ אַ֖יִן בִּלְתִּֽי׃
Osée 12.9 Esaïe 45.21-45.22 Esaïe 43.10-43.13 Esaïe 43.3 Actes 4.12
⁵ אֲנִ֥י יְדַעְתִּ֖יךָ בַּמִּדְבָּ֑ר בְּאֶ֖רֶץ תַּלְאֻבֹֽות׃
Deutéronome 2.7 Deutéronome 32.10 Deutéronome 8.15 Nahum 1.7 1 Corinthiens 8.3
⁶ כְּמַרְעִיתָם֙ וַיִּשְׂבָּ֔עוּ שָׂבְע֖וּ וַיָּ֣רָם לִבָּ֑ם עַל־כֵּ֖ן שְׁכֵחֽוּנִי׃
Deutéronome 32.13-32.15 Psaumes 10.4 Deutéronome 8.12-8.14 Osée 2.13 Néhémie 9.35
⁷ וָאֱהִ֥י לָהֶ֖ם כְּמֹו־שָׁ֑חַל כְּנָמֵ֖ר עַל־דֶּ֥רֶךְ אָשֽׁוּר׃
Jérémie 5.6 Osée 5.14 Lamentations 3.10 Amos 3.4 Amos 3.8
⁸ אֶפְגְּשֵׁם֙ כְּדֹ֣ב שַׁכּ֔וּל וְאֶקְרַ֖ע סְגֹ֣ור לִבָּ֑ם וְאֹכְלֵ֥ם שָׁם֙ כְּלָבִ֔יא חַיַּ֥ת הַשָּׂדֶ֖ה תְּבַקְּעֵֽם׃
2 Samuel 17.8 Psaumes 50.22 Proverbes 17.12 Amos 9.1-9.3 Esaïe 56.9
⁹ שִֽׁחֶתְךָ֥ יִשְׂרָאֵ֖ל כִּֽי־בִ֥י בְעֶזְרֶֽךָ׃
Jérémie 2.19 Jérémie 2.17 Deutéronome 33.26 Jérémie 4.18 Malachie 1.9
¹⁰ אֱהִ֤י מַלְכְּךָ֙ אֵפֹ֔וא וְיֹושִֽׁיעֲךָ֖ בְּכָל־עָרֶ֑יךָ וְשֹׁ֣פְטֶ֔יךָ אֲשֶׁ֣ר אָמַ֔רְתָּ תְּנָה־לִּ֖י מֶ֥לֶךְ וְשָׂרִֽים׃
Osée 8.4 1 Samuel 8.5-8.6 Osée 10.3 1 Rois 12.20 Jérémie 2.28
¹¹ אֶֽתֶּן־לְךָ֥ מֶ֨לֶךְ֙ בְּאַפִּ֔י וְאֶקַּ֖ח בְּעֶבְרָתִֽי׃ ס
1 Samuel 10.19 1 Samuel 16.1 1 Rois 14.7-14.16 1 Samuel 12.13 1 Rois 12.26-12.32
¹² צָרוּר֙ עֲוֹ֣ן אֶפְרָ֔יִם צְפוּנָ֖ה חַטָּאתֹֽו׃
Job 14.17 Deutéronome 32.34-32.35 Romains 2.5 Job 21.19
¹³ חֶבְלֵ֥י יֹֽולֵדָ֖ה יָבֹ֣אוּ לֹ֑ו הוּא־בֵן֙ לֹ֣א חָכָ֔ם כִּֽי־עֵ֥ת לֹֽא־יַעֲמֹ֖ד בְּמִשְׁבַּ֥ר בָּנִֽים׃
Esaïe 13.8 Michée 4.9-4.10 Esaïe 37.3 1 Thessaloniciens 5.3 Psaumes 48.6
¹⁴ מִיַּ֤ד שְׁאֹול֙ אֶפְדֵּ֔ם מִמָּ֖וֶת אֶגְאָלֵ֑ם אֱהִ֨י דְבָרֶיךָ֜ מָ֗וֶת אֱהִ֤י קָֽטָבְךָ֙ שְׁאֹ֔ול נֹ֖חַם יִסָּתֵ֥ר מֵעֵינָֽי׃
Esaïe 25.8 Apocalypse 21.4 Psaumes 49.15 Esaïe 26.19 Psaumes 16.10
¹⁵ כִּ֣י ה֔וּא בֵּ֥ן אַחִ֖ים יַפְרִ֑יא יָבֹ֣וא קָדִים֩ ר֨וּחַ יְהוָ֜ה מִמִּדְבָּ֣ר עֹלֶ֗ה וְיֵבֹ֤ושׁ מְקֹורֹו֙ וְיֶחֱרַ֣ב מַעְיָנֹ֔ו ה֣וּא יִשְׁסֶ֔ה אֹוצַ֖ר כָּל־כְּלִ֥י חֶמְדָּֽה׃
Ezéchiel 19.12 Ezéchiel 17.10 Jérémie 4.11 Genèse 41.52 Genèse 49.22