Psaumes 41.9
Biblia Hebraica Stuttgartensia

Prière d’un homme trahi par son ami

¹ לַמְנַצֵּ֗חַ מִזְמֹ֥ור לְדָוִֽד׃
Proverbes 14.21 Proverbes 19.17 2 Corinthiens 9.8-9.14 Psaumes 37.19 Actes 20.35
² (41.1) אַ֭שְׁרֵי מַשְׂכִּ֣יל אֶל־דָּ֑ל בְּיֹ֥ום רָ֝עָ֗ה יְֽמַלְּטֵ֥הוּ יְהוָֽה׃
Psaumes 27.12 1 Timothée 4.8 Psaumes 37.22 Psaumes 140.8-140.9 Psaumes 37.32-37.33
³ (41.2) יְהוָ֤ה׀ יִשְׁמְרֵ֣הוּ וִֽ֭יחַיֵּהוּ וְאֻשַּׁ֣ר בָּאָ֑רֶץ וְאַֽל־תִּ֝תְּנֵ֗הוּ בְּנֶ֣פֶשׁ אֹיְבָֽיו׃
Psaumes 73.26 2 Rois 1.16 2 Corinthiens 4.16-4.17 2 Rois 1.6 Philippiens 2.26-2.27
⁴ (41.3) יְֽהוָ֗ה יִ֭סְעָדֶנּוּ עַל־עֶ֣רֶשׂ דְּוָ֑י כָּל־מִ֝שְׁכָּבֹ֗ו הָפַ֥כְתָּ בְחָלְיֹֽו׃
Psaumes 147.3 Psaumes 103.3 Psaumes 51.1-51.4 Osée 6.1 Jacques 5.15-5.16
⁵ (41.4) אֲֽנִי־אָ֭מַרְתִּי יְהוָ֣ה חָנֵּ֑נִי רְפָאָ֥ה נַ֝פְשִׁ֗י כִּי־חָטָ֥אתִי לָֽךְ׃
Job 20.7 Job 18.17 Psaumes 22.6-22.8 Psaumes 38.12 Proverbes 10.7
⁶ (41.5) אֹויְבַ֗י יֹאמְר֣וּ רַ֣ע לִ֑י מָתַ֥י יָ֝מ֗וּת וְאָבַ֥ד שְׁמֹֽו׃
Psaumes 12.2 Proverbes 26.24-26.26 Luc 11.53-11.54 Michée 7.5-7.7 Luc 20.20-20.23
⁷ (41.6) וְאִם־בָּ֤א לִרְאֹ֨ות׀ שָׁ֤וְא יְדַבֵּ֗ר לִבֹּ֗ו יִקְבָּץ־אָ֥וֶן לֹ֑ו יֵצֵ֖א לַח֣וּץ יְדַבֵּֽר׃
Psaumes 31.13 Proverbes 16.28 Proverbes 26.20 Psaumes 56.5-56.6 Matthieu 26.3-26.4
⁸ (41.7) יַ֗חַד עָלַ֣י יִ֭תְלַחֲשׁוּ כָּל־שֹׂנְאָ֑י עָלַ֓י׀ יַחְשְׁב֖וּ רָעָ֣ה לִֽי׃
Psaumes 71.11 Matthieu 27.63-27.64 Psaumes 3.2 Job 2.7-2.8 Matthieu 27.41-27.46
⁹ (41.8) דְּֽבַר־בְּ֭לִיַּעַל יָצ֣וּק בֹּ֑ו וַאֲשֶׁ֥ר שָׁ֝כַ֗ב לֹא־יֹוסִ֥יף לָקֽוּם׃
Jean 13.18 Job 19.19 Jérémie 20.10 2 Samuel 15.12 Psaumes 55.12-55.14
¹⁰ (41.9) גַּם־אִ֤ישׁ שְׁלֹומִ֨י׀ אֲשֶׁר־בָּטַ֣חְתִּי בֹ֖ו אֹוכֵ֣ל לַחְמִ֑י הִגְדִּ֖יל עָלַ֣י עָקֵֽב׃
Psaumes 3.3 Luc 19.27 Psaumes 21.8-21.10 Psaumes 69.22-69.28 Psaumes 18.37-18.42
¹¹ (41.10) וְאַתָּ֤ה יְהוָ֗ה חָנֵּ֥נִי וַהֲקִימֵ֑נִי וַֽאֲשַׁלְּמָ֥ה לָהֶֽם׃
Psaumes 124.6 Colossiens 2.15 Jérémie 20.13 Psaumes 147.11 Psaumes 25.2
¹² (41.11) בְּזֹ֣את יָ֭דַעְתִּי כִּֽי־חָפַ֣צְתָּ בִּ֑י כִּ֤י לֹֽא־יָרִ֖יעַ אֹיְבִ֣י עָלָֽי׃
Job 36.7 Psaumes 34.15 Psaumes 17.15 Psaumes 63.8 Psaumes 94.18
¹³ (41.12) וַאֲנִ֗י בְּ֭תֻמִּי תָּמַ֣כְתָּ בִּ֑י וַתַּצִּיבֵ֖נִי לְפָנֶ֣יךָ לְעֹולָֽם׃
Ephésiens 1.3 Psaumes 106.48 Psaumes 89.52 Psaumes 72.18-72.19 1 Chroniques 29.10
¹⁴ (41.13) בָּ֘ר֤וּךְ יְהוָ֨ה׀ אֱלֹ֘הֵ֤י יִשְׂרָאֵ֗ל מֵֽ֭הָעֹולָם וְעַ֥ד הָעֹולָ֗ם אָ֘מֵ֥ן׀ וְאָמֵֽן׃