Psaumes 35.22
Biblia Hebraica Stuttgartensia

Prière de David contre ses ennemis

¹ לְדָוִ֨ד׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃
Psaumes 43.1 Exode 14.25 Actes 5.39 Michée 7.9 Néhémie 4.20
² הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃
Esaïe 42.13 Exode 15.3 Deutéronome 32.41-32.42 Psaumes 91.4 Psaumes 7.12-7.13
³ וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃
Luc 2.30 Genèse 49.18 Psaumes 62.7 1 Samuel 23.26-23.27 Esaïe 10.12
⁴ יֵבֹ֣שׁוּ וְיִכָּלְמוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָחֹ֣ור וְיַחְפְּר֑וּ חֹ֝שְׁבֵ֗י רָעָתִֽי׃
Psaumes 129.5 Jean 18.6 Matthieu 27.1 1 Rois 19.10 Psaumes 70.2-70.3
⁵ יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דֹּוחֶֽה׃
Job 21.18 Esaïe 29.5 Psaumes 1.4 Hébreux 11.28 Osée 13.3
⁶ יְֽהִי־דַרְכָּ֗ם חֹ֥שֶׁךְ וַחֲלַקְלַקֹּ֑ות וּמַלְאַ֥ךְ יְ֝הוָ֗ה רֹדְפָֽם׃
Jérémie 23.12 Psaumes 73.18 Proverbes 4.19 Jérémie 13.16
⁷ כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃
Job 18.8 Psaumes 140.5 Psaumes 9.15 Psaumes 119.85 Psaumes 69.4
⁸ תְּבֹואֵ֣הוּ שֹׁואָה֮ לֹֽא־יֵ֫דָ֥ע וְרִשְׁתֹּ֣ו אֲשֶׁר־טָמַ֣ן תִּלְכְּדֹ֑ו בְּ֝שֹׁואָ֗ה יִפָּל־בָּֽהּ׃
1 Thessaloniciens 5.3 2 Samuel 17.23 Esaïe 47.11 Esther 7.10 Psaumes 9.15
⁹ וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֹֽו׃
Esaïe 61.10 Psaumes 13.5 Psaumes 33.21 Luc 1.46-1.47 Psaumes 21.1
¹⁰ כָּ֥ל עַצְמֹותַ֨י׀ תֹּאמַרְנָה֮ יְהוָ֗ה מִ֥י כָ֫מֹ֥וךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְיֹ֗ון מִגֹּזְלֹֽו׃
Exode 15.11 Psaumes 51.8 Psaumes 18.17 Psaumes 86.8 Psaumes 71.19
¹¹ יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃
Psaumes 27.12 Actes 24.5-24.6 1 Samuel 24.9 Actes 24.12-24.13 Actes 6.13
¹² יְשַׁלְּמ֣וּנִי רָ֭עָה תַּ֥חַת טֹובָ֗ה שְׁכֹ֣ול לְנַפְשִֽׁי׃
Jean 10.32 Jérémie 18.20 Psaumes 38.20 1 Samuel 22.13-22.14 Luc 23.21-23.23
¹³ וַאֲנִ֤י׀ בַּחֲלֹותָ֡ם לְב֬וּשִׁי שָׂ֗ק עִנֵּ֣יתִי בַצֹּ֣ום נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃
Job 30.25 Matthieu 10.13 Psaumes 69.10-69.11 Luc 10.6 Esaïe 58.3
¹⁴ כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֹֽותִי׃
Psaumes 38.6 Genèse 24.67 Luc 19.41-19.42 2 Samuel 1.11-1.12 2 Samuel 1.17-1.27
¹⁵ וּבְצַלְעִי֮ שָׂמְח֪וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃
Psaumes 7.2 Job 30.1-30.12 Psaumes 41.8 Psaumes 71.10-71.11 Marc 14.65
¹⁶ בְּ֭חַנְפֵי לַעֲגֵ֣י מָעֹ֑וג חָרֹ֖ק עָלַ֣י שִׁנֵּֽימֹו׃
Job 16.9 Lamentations 2.16 Psaumes 37.12 Jean 18.28 Actes 7.54
¹⁷ אֲדֹנָי֮ כַּמָּ֪ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃
Habakuk 1.13 Psaumes 22.20-22.21 Psaumes 57.4 Psaumes 142.6-142.7 Psaumes 10.14
¹⁸ אֹ֭ודְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃
Psaumes 117.1-117.2 Psaumes 67.1-67.4 Psaumes 69.30-69.34 Psaumes 116.18 Romains 15.9
¹⁹ אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃
Psaumes 69.4 Proverbes 6.13 Psaumes 38.19 Jean 15.25 Psaumes 13.4
²⁰ כִּ֤י לֹ֥א שָׁלֹ֗ום יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמֹות יַחֲשֹׁבֽוּן׃
Matthieu 26.4 Matthieu 12.24 Psaumes 64.4-64.6 Actes 23.15 Matthieu 12.19
²¹ וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח׀ הֶאָ֑ח רָאֲתָ֥ה עֵינֵֽינוּ׃
Psaumes 22.13 Psaumes 40.15 Psaumes 70.3 Luc 11.53-11.54 Esaïe 9.12
²² רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃
Psaumes 28.1 Psaumes 10.1 Exode 3.7 Psaumes 38.21 Psaumes 71.12
²³ הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃
Psaumes 44.23 Psaumes 7.6 Psaumes 80.2 Psaumes 142.5 Jean 20.28
²⁴ שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־יִשְׂמְחוּ־לִֽי׃
Psaumes 35.19 Psaumes 26.1 Psaumes 7.8 Psaumes 43.1 Psaumes 18.20-18.24
²⁵ אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃
Lamentations 2.16 Psaumes 124.3 Psaumes 74.8 Psaumes 57.3 Exode 15.9
²⁶ יֵ֘בֹ֤שׁוּ וְיַחְפְּר֨וּ׀ יַחְדָּו֮ שְׂמֵחֵ֪י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃
Psaumes 38.16 Psaumes 132.18 Job 19.5 Job 8.22 Psaumes 71.13
²⁷ יָרֹ֣נּוּ וְיִשְׂמְחוּ֮ חֲפֵצֵ֪י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁלֹ֣ום עַבְדֹּֽו׃
Psaumes 149.4 Psaumes 70.4 Psaumes 40.16 Jérémie 32.40-32.41 Sophonie 3.17
²⁸ וּ֭לְשֹׁונִי תֶּהְגֶּ֣ה צִדְקֶ֑ךָ כָּל־הַ֝יֹּום תְּהִלָּתֶֽךָ׃
Psaumes 71.24 Psaumes 145.21 Psaumes 145.5 Psaumes 34.1 Psaumes 51.14-51.15