Ruth 4.1
Vulgate

¹ ascendit ergo Booz ad portam et sedit ibi cumque vidisset propinquum praeterire de quo prius sermo habitus est dixit ad eum declina paulisper et sede hic vocans eum nomine suo qui devertit et seditRuth 3.12 Deutéronome 25.7 Deutéronome 21.19 Amos 5.15 Amos 5.10-5.12
² tollens autem Booz decem viros de senioribus civitatis dixit ad eos sedete hicProverbes 31.23 1 Rois 21.8 Exode 18.21-18.22 Exode 21.8 Deutéronome 29.10
³ quibus residentibus locutus est ad propinquum partem agri fratris nostri Helimelech vendit Noemi quae reversa est de regione moabitideProverbes 13.10 Psaumes 112.5
⁴ quod audire te volui et tibi dicere coram cunctis sedentibus et maioribus natu de populo meo si vis possidere iure propinquitatis eme et posside sin autem tibi displicet hoc ipsum indica mihi ut sciam quid facere debeam nullus est enim propinquus excepto te qui prior es et me qui secundus sum at ille respondit ego agrum emamLévitique 25.25-25.29 Jérémie 32.7-32.12 Romains 12.17 Genèse 23.18 2 Corinthiens 8.21
⁵ cui dixit Booz quando emeris agrum de manu mulieris Ruth quoque Moabitidem quae uxor defuncti fuit debes accipere ut suscites nomen propinqui tui in hereditate suaDeutéronome 25.5-25.6 Genèse 38.8 Matthieu 22.24 Luc 20.28 Ruth 3.12-3.13
⁶ qui respondit cedo iure propinquitatis neque enim posteritatem familiae meae delere debeo tu meo utere privilegio quo me libenter carere profiteorRuth 3.13 Lévitique 25.25
⁷ hic autem erat mos antiquitus in Israhel inter propinquos et si quando alter alteri suo iure cedebat ut esset firma concessio solvebat homo calciamentum suum et dabat proximo suo hoc erat testimonium cessionis in IsrahelDeutéronome 25.7-25.10
⁸ dixit ergo propinquus Booz tolle calciamentum quod statim solvit de pede suo ⁹ at ille maioribus natu et universo populo testes inquit vos estis hodie quod possederim omnia quae fuerunt Helimelech et Chellion et Maalon tradente NoemiJérémie 32.10-32.12 Genèse 23.16-23.18
¹⁰ et Ruth Moabitidem uxorem Maalon in coniugium sumpserim ut suscitem nomen defuncti in hereditate sua ne vocabulum eius de familia sua ac fratribus et populo deleatur vos inquam huius rei testes estisDeutéronome 25.6 Ephésiens 5.25 Josué 7.9 Osée 3.2 Proverbes 18.22
¹¹ respondit omnis populus qui erat in porta et maiores natu nos testes sumus faciat Dominus hanc mulierem quae ingreditur domum tuam sicut Rachel et Liam quae aedificaverunt domum Israhel ut sit exemplum virtutis in Ephrata et habeat celebre nomen in BethleemGenèse 29.32-30.24 Deutéronome 25.9 Genèse 35.16-35.20 Psaumes 128.3-128.6 Michée 5.2
¹² fiatque domus tua sicut domus Phares quem Thamar peperit Iudae de semine quod dederit Dominus tibi ex hac puellaGenèse 38.29 Matthieu 1.3 1 Samuel 2.20 1 Chroniques 2.4 Genèse 46.12
¹³ tulit itaque Booz Ruth et accepit uxorem ingressusque est ad eam et dedit illi Dominus ut conciperet et pareret filiumGenèse 29.31 Genèse 33.5 Ruth 3.11 Psaumes 127.3 Genèse 30.22-30.23
¹⁴ dixeruntque mulieres ad Noemi benedictus Dominus qui non est passus ut deficeret successor familiae tuae et vocaretur nomen eius in IsrahelLuc 1.58 Psaumes 34.1-34.3 1 Corinthiens 12.26 1 Thessaloniciens 5.18 Genèse 24.27
¹⁵ et habeas qui consoletur animam tuam et enutriat senectutem de nuru enim tua natus est quae te diligit et multo tibi est melior quam si septem haberes filios1 Samuel 1.8 Proverbes 18.24 Genèse 47.12 Ruth 2.11-2.12 Psaumes 55.22
¹⁶ susceptumque Noemi puerum posuit in sinu suo et nutricis ac gerulae officio fungebatur ¹⁷ vicinae autem mulieres congratulantes ei et dicentes natus est filius Noemi vocaverunt nomen eius Obed hic est pater Isai patris DavidLuc 1.58-1.63
¹⁸ hae sunt generationes Phares Phares genuit Esrom1 Chroniques 2.4-2.8 Matthieu 1.3-1.6 Luc 3.33 1 Chroniques 4.1
¹⁹ Esrom genuit Aram Aram genuit AminadabLuc 3.33 1 Chroniques 2.9-2.10 Matthieu 1.4
²⁰ Aminadab genuit Naasson Naasson genuit SalmaNombres 1.7 Luc 3.32 Matthieu 1.4
²¹ Salma genuit Booz Booz genuit ObedMatthieu 1.5 Luc 3.32 1 Chroniques 2.11-2.12
²² Obed genuit Isai Isai genuit David1 Chroniques 2.15 Luc 3.31 1 Samuel 16.1 Matthieu 1.6 Esaïe 11.1