Osée 12.5
Biblia Hebraica Stuttgartensia

Israël et son ancêtre Jacob

¹ (11.12) סְבָבֻ֤נִי בְכַ֨חַשׁ֙ אֶפְרַ֔יִם וּבְמִרְמָ֖ה בֵּ֣ית יִשְׂרָאֵ֑ל וִֽיהוּדָ֗ה עֹ֥ד רָד֙ עִם־אֵ֔ל וְעִם־קְדֹושִׁ֖ים נֶאֱמָֽן׃
Osée 11.12 Osée 5.13 Jérémie 22.22 Esaïe 30.6-30.7 2 Rois 15.19
² (12.1) אֶפְרַ֜יִם רֹעֶ֥ה ר֨וּחַ֙ וְרֹדֵ֣ף קָדִ֔ים כָּל־הַיֹּ֕ום כָּזָ֥ב וָשֹׁ֖ד יַרְבֶּ֑ה וּבְרִית֙ עִם־אַשּׁ֣וּר יִכְרֹ֔תוּ וְשֶׁ֖מֶן לְמִצְרַ֥יִם יוּבָֽל׃
Osée 4.1 Michée 6.2 Matthieu 16.27 Esaïe 8.7-8.8 Osée 2.13
³ (12.2) וְרִ֥יב לַֽיהוָ֖ה עִם־יְהוּדָ֑ה וְלִפְקֹ֤ד עַֽל־יַעֲקֹב֙ כִּדְרָכָ֔יו כְּמַעֲלָלָ֖יו יָשִׁ֥יב לֹֽו׃
Genèse 25.26 Genèse 32.24-32.28 Jacques 5.16-5.18 Romains 9.11
⁴ (12.3) בַּבֶּ֖טֶן עָקַ֣ב אֶת־אָחִ֑יו וּבְאֹונֹ֖ו שָׂרָ֥ה אֶת־אֱלֹהִֽים׃
Genèse 35.15 Genèse 48.15 Psaumes 66.6 Hébreux 6.13-6.18 Malachie 3.1
⁵ (12.4) וָיָּ֤שַׂר אֶל־מַלְאָךְ֙ וַיֻּכָ֔ל בָּכָ֖ה וַיִּתְחַנֶּן־לֹ֑ו בֵּֽית־אֵל֙ יִמְצָאֶ֔נּוּ וְשָׁ֖ם יְדַבֵּ֥ר עִמָּֽנוּ׃
Exode 3.15 Genèse 32.30 Psaumes 135.13 Genèse 28.16 Esaïe 42.8
⁶ (12.5) וַֽיהוָ֖ה אֱלֹהֵ֣י הַצְּבָאֹ֑ות יְהוָ֖ה זִכְרֹֽו׃
Michée 6.8 Osée 14.1 Osée 6.1-6.3 Zacharie 7.9 Joël 2.13
⁷ (12.6) וְאַתָּ֖ה בֵּאלֹהֶ֣יךָ תָשׁ֑וּב חֶ֤סֶד וּמִשְׁפָּט֙ שְׁמֹ֔ר וְקַוֵּ֥ה אֶל־אֱלֹהֶ֖יךָ תָּמִֽיד׃
Proverbes 11.1 Ezéchiel 16.3 Proverbes 16.11 1 Samuel 12.3 Amos 5.11
⁸ (12.7) כְּנַ֗עַן בְּיָדֹ֛ו מֹאזְנֵ֥י מִרְמָ֖ה לַעֲשֹׁ֥ק אָהֵֽב׃
Apocalypse 3.17 Psaumes 62.10 Zacharie 11.5 Proverbes 30.12 Jérémie 2.35
⁹ (12.8) וַיֹּ֣אמֶר אֶפְרַ֔יִם אַ֣ךְ עָשַׁ֔רְתִּי מָצָ֥אתִי אֹ֖ון לִ֑י כָּל־יְגִיעַ֕י לֹ֥א יִמְצְאוּ־לִ֖י עָוֹ֥ן אֲשֶׁר־חֵֽטְא׃
Lévitique 23.40-23.43 Néhémie 8.15-8.17 Osée 13.4 2 Samuel 7.2 Nombres 15.41
¹⁰ (12.9) וְאָנֹכִ֛י יְהוָ֥ה אֱלֹהֶ֖יךָ מֵאֶ֣רֶץ מִצְרָ֑יִם עֹ֛ד אֹושִֽׁיבְךָ֥ בָאֳהָלִ֖ים כִּימֵ֥י מֹועֵֽד׃
2 Rois 17.13 Ezéchiel 20.49 Joël 2.28 Jérémie 19.1 Nombres 12.6
¹¹ (12.10) וְדִבַּ֨רְתִּי֙ עַל־הַנְּבִיאִ֔ים וְאָנֹכִ֖י חָזֹ֣ון הִרְבֵּ֑יתִי וּבְיַ֥ד הַנְּבִיאִ֖ים אֲדַמֶּֽה׃
Osée 8.11 Osée 6.8 Osée 4.15 Osée 9.15 Osée 10.1
¹² (12.11) אִם־גִּלְעָ֥ד אָ֨וֶן֙ אַךְ־שָׁ֣וְא הָי֔וּ בַּגִּלְגָּ֖ל שְׁוָרִ֣ים זִבֵּ֑חוּ גַּ֤ם מִזְבְּחֹותָם֙ כְּגַלִּ֔ים עַ֖ל תַּלְמֵ֥י שָׂדָֽי׃
Genèse 29.18-29.28 Genèse 27.43 Genèse 31.41 Genèse 28.1-28.22 Genèse 32.27-32.28
¹³ (12.12) וַיִּבְרַ֥ח יַעֲקֹ֖ב שְׂדֵ֣ה אֲרָ֑ם וַיַּעֲבֹ֤ד יִשְׂרָאֵל֙ בְּאִשָּׁ֔ה וּבְאִשָּׁ֖ה שָׁמָֽר׃
Exode 13.3 Esaïe 63.11-63.14 Exode 12.50-12.51 Actes 3.22-3.23 Psaumes 77.20
¹⁴ (12.13) וּבְנָבִ֕יא הֶעֱלָ֧ה יְהוָ֛ה אֶת־יִשְׂרָאֵ֖ל מִמִּצְרָ֑יִם וּבְנָבִ֖יא נִשְׁמָֽר׃
Daniel 11.18 Ezéchiel 18.13 2 Rois 17.7-17.18 2 Samuel 1.16 Ezéchiel 23.2-23.10
¹⁵ (12.14) הִכְעִ֥יס אֶפְרַ֖יִם תַּמְרוּרִ֑ים וְדָמָיו֙ עָלָ֣יו יִטֹּ֔ושׁ וְחֶ֨רְפָּתֹ֔ו יָשִׁ֥יב לֹ֖ו אֲדֹנָֽיו׃