2 Samuel 22.47
Biblia Hebraica Stuttgartensia

¹ וַיְדַבֵּ֤ר דָּוִד֙ לַֽיהוָ֔ה אֶת־דִּבְרֵ֖י הַשִּׁירָ֣ה הַזֹּ֑את בְּיֹום֩ הִצִּ֨יל יְהוָ֥ה אֹתֹ֛ו מִכַּ֥ף כָּל־אֹיְבָ֖יו וּמִכַּ֥ף שָׁאֽוּל׃Juges 5.1 Exode 15.1 Esaïe 12.1-12.6 1 Samuel 27.1 1 Samuel 26.24
² וַיֹּאמַ֑ר יְהוָ֛ה סַֽלְעִ֥י וּמְצֻדָתִ֖י וּמְפַלְטִי־לִֽי׃Psaumes 71.3 Psaumes 31.3 Psaumes 144.2 Psaumes 91.2 Deutéronome 32.4
³ אֱלֹהֵ֥י צוּרִ֖י אֶחֱסֶה־בֹּ֑ו מָגִנִּ֞י וְקֶ֣רֶן יִשְׁעִ֗י מִשְׂגַּבִּי֙ וּמְנוּסִ֔י מֹשִׁעִ֕י מֵחָמָ֖ס תֹּשִׁעֵֽנִי׃Psaumes 9.9 Genèse 15.1 Esaïe 32.2 Psaumes 46.7 Psaumes 46.11
⁴ מְהֻלָּ֖ל אֶקְרָ֣א יְהוָ֑ה וּמֵאֹיְבַ֖י אִוָּשֵֽׁעַ׃Psaumes 48.1 Psaumes 96.4 Psaumes 18.3 Romains 10.13 Psaumes 56.9
⁵ כִּ֥י אֲפָפֻ֖נִי מִשְׁבְּרֵי־מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃Psaumes 69.14-69.15 Jonas 2.3 Apocalypse 12.15-12.16 1 Thessaloniciens 5.3 Apocalypse 17.15
⁶ חֶבְלֵ֥י שְׁאֹ֖ול סַבֻּ֑נִי קִדְּמֻ֖נִי מֹֽקְשֵׁי־מָֽוֶת׃Psaumes 116.3 Proverbes 13.14 Psaumes 140.5 Psaumes 18.5 Proverbes 14.27
⁷ בַּצַּר־לִי֙ אֶקְרָ֣א יְהוָ֔ה וְאֶל־אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלֹו֙ קֹולִ֔י וְשַׁוְעָתִ֖י בְּאָזְנָֽיו׃Psaumes 120.1 Psaumes 116.4 Psaumes 34.6 Psaumes 18.6 Psaumes 27.4
⁸ וַיִּתְגָּעַ֤שׁ וַתִּרְעַשׁ֙ הָאָ֔רֶץ מֹוסְדֹ֥ות הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּֽי־חָ֥רָה לֹֽו׃Psaumes 97.4 Juges 5.4 Job 26.11 Psaumes 77.18 Matthieu 27.51
⁹ עָלָ֤ה עָשָׁן֙ בְּאַפֹּ֔ו וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃Hébreux 12.29 Exode 15.7-15.8 Exode 24.17 Job 41.20-41.21 Esaïe 30.27
¹⁰ וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃1 Rois 8.12 Psaumes 97.2 Psaumes 144.5 Exode 20.21 Luc 23.44-23.45
¹¹ וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃Psaumes 104.3 Genèse 3.24 Ezéchiel 9.3 1 Samuel 4.4 Psaumes 18.10
¹² וַיָּ֥שֶׁת חֹ֛שֶׁךְ סְבִיבֹתָ֖יו סֻכֹּ֑ות חַֽשְׁרַת־מַ֖יִם עָבֵ֥י שְׁחָקִֽים׃Psaumes 97.2 2 Samuel 22.10 Psaumes 18.11-18.12 Psaumes 27.5 Job 36.29
¹³ מִנֹּ֖גַהּ נֶגְדֹּ֑ו בָּעֲר֖וּ גַּחֲלֵי־אֵֽשׁ׃2 Samuel 22.9
¹⁴ יַרְעֵ֥ם מִן־שָׁמַ֖יִם יְהוָ֑ה וְעֶלְיֹ֖ון יִתֵּ֥ן קֹולֹֽו׃1 Samuel 2.10 Job 37.2-37.5 Psaumes 77.16-77.19 Job 40.9 Esaïe 30.30
¹⁵ וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק וַיָּהֹֽם׃Deutéronome 32.23 Josué 10.10 Habakuk 3.11 Psaumes 7.12-7.13 Psaumes 144.6-144.7
¹⁶ וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְדֹ֣ות תֵּבֵ֑ל בְּגַעֲרַ֣ת יְהוָ֔ה מִנִּשְׁמַ֖ת ר֥וּחַ אַפֹּֽו׃Nahum 1.4 Psaumes 74.1 Job 38.11 2 Samuel 22.9 Exode 15.8-15.10
¹⁷ יִשְׁלַ֥ח מִמָּרֹ֖ום יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃Psaumes 144.7 Exode 2.10 Psaumes 93.3-93.4 Psaumes 18.16 Apocalypse 17.15
¹⁸ יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃2 Timothée 4.17 Psaumes 3.7 2 Samuel 22.1 2 Corinthiens 1.10 Psaumes 56.9
¹⁹ יְקַדְּמֻ֖נִי בְּיֹ֣ום אֵידִ֑י וַיְהִ֧י יְהוָ֛ה מִשְׁעָ֖ן לִֽי׃Psaumes 118.10-118.13 Psaumes 23.4 1 Samuel 23.26-23.27 Psaumes 71.20-71.21 1 Samuel 19.11-19.17
²⁰ וַיֹּצֵ֥א לַמֶּרְחָ֖ב אֹתִ֑י יְחַלְּצֵ֖נִי כִּי־חָ֥פֵֽץ בִּֽי׃Psaumes 31.8 2 Samuel 15.26 Psaumes 118.5 Psaumes 22.8 Matthieu 27.43
²¹ יִגְמְלֵ֥נִי יְהוָ֖ה כְּצִדְקָתִ֑י כְּבֹ֥ר יָדַ֖י יָשִׁ֥יב לִֽי׃1 Samuel 26.23 Psaumes 24.4 1 Rois 8.32 Psaumes 7.8 Job 17.9
²² כִּ֥י שָׁמַ֖רְתִּי דַּרְכֵ֣י יְהוָ֑ה וְלֹ֥א רָשַׁ֖עְתִּי מֵאֱלֹהָֽי׃Proverbes 8.32 Genèse 18.19 Psaumes 128.1 Jean 15.10 1 Samuel 12.3
²³ כִּ֥י כָל־מִשְׁפָּטָ֖יו לְנֶגְדִּ֑י וְחֻקֹּתָ֖יו לֹא־אָס֥וּר מִמֶּֽנָּה׃Psaumes 119.30 Psaumes 119.102 Jean 15.14 Deutéronome 6.6-6.9 Deutéronome 8.11
²⁴ וָאֶהְיֶ֥ה תָמִ֖ים לֹ֑ו וָאֶשְׁתַּמְּרָ֖ה מֵעֲוֹנִֽי׃Genèse 6.9 Job 1.1 Genèse 17.1 Ephésiens 1.4 Jean 1.47
²⁵ וַיָּ֧שֶׁב יְהוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃2 Samuel 22.21 Proverbes 5.21 Esaïe 3.10 Romains 2.7-2.8 2 Corinthiens 5.10
²⁶ עִם־חָסִ֖יד תִּתְחַסָּ֑ד עִם־גִּבֹּ֥ור תָּמִ֖ים תִּתַּמָּֽם׃Matthieu 5.7 Jacques 2.13
²⁷ עִם־נָבָ֖ר תִּתָּבָ֑ר וְעִם־עִקֵּ֖שׁ תִּתַּפָּֽל׃Matthieu 5.8 Deutéronome 28.58-28.61 Lévitique 26.23-26.28 Psaumes 125.5 Exode 18.11
²⁸ וְאֶת־עַ֥ם עָנִ֖י תֹּושִׁ֑יעַ וְעֵינֶ֖יךָ עַל־רָמִ֥ים תַּשְׁפִּֽיל׃Psaumes 72.12-72.13 Esaïe 5.15 Exode 3.7-3.8 Esaïe 2.17 Esaïe 2.11-2.12
²⁹ כִּֽי־אַתָּ֥ה נֵירִ֖י יְהוָ֑ה וַיהוָ֖ה יַגִּ֥יהַּ חָשְׁכִּֽי׃Psaumes 27.1 Job 29.3 Jean 8.12 Michée 7.9 Psaumes 97.11
³⁰ כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־שֽׁוּר׃Romains 8.37 Psaumes 118.10-118.12 Psaumes 18.29 Philippiens 4.13
³¹ הָאֵ֖ל תָּמִ֣ים דַּרְכֹּ֑ו אִמְרַ֤ת יְהוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בֹּֽו׃Proverbes 30.5 Matthieu 5.48 Deutéronome 32.4 Psaumes 119.140 Psaumes 12.6
³² כִּ֥י מִי־אֵ֖ל מִבַּלְעֲדֵ֣י יְהוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃1 Samuel 2.2 Jérémie 10.16 Jérémie 10.6-10.7 Deutéronome 32.39 Esaïe 44.8
³³ הָאֵ֥ל מָעוּזִּ֖י חָ֑יִל וַיַּתֵּ֥ר תָּמִ֖ים דַּרְכִּֽי׃Psaumes 31.3-31.4 Deutéronome 18.13 Psaumes 27.1 Philippiens 4.13 Job 22.3
³⁴ מְשַׁוֶּ֥ה רַגְלַ֖י כָּאַיָּלֹ֑ות וְעַ֥ל בָּמֹותַ֖י יַעֲמִדֵֽנִי׃Deutéronome 32.13 Habakuk 3.19 Esaïe 58.14 2 Samuel 2.18 Esaïe 33.16
³⁵ מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶֽשֶׁת־נְחוּשָׁ֖ה זְרֹעֹתָֽי׃Psaumes 144.1 Ezéchiel 39.9-39.10 Psaumes 46.9 Ezéchiel 39.3 Psaumes 18.33-18.34
³⁶ וַתִּתֶּן־לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃Ephésiens 6.16 Psaumes 18.35 Genèse 15.1 Genèse 12.2 Psaumes 115.14
³⁷ תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃Proverbes 4.12 Psaumes 94.18 Psaumes 4.1 Psaumes 121.3 1 Samuel 2.9
³⁸ אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־כַּלֹּותָֽם׃2 Samuel 8.1-8.2 2 Samuel 10.14 Psaumes 21.8-21.9 2 Samuel 5.18-5.25 2 Samuel 8.13-8.14
³⁹ וָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃Malachie 4.3 Psaumes 118.10-118.12 Malachie 4.1 Psaumes 110.1 Psaumes 18.37
⁴⁰ וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃Psaumes 44.5 Psaumes 18.39 Colossiens 1.11 Esaïe 60.14 Psaumes 18.32
⁴¹ וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃Exode 23.27 Josué 10.24 Luc 19.14 Genèse 49.8 Luc 19.27
⁴² יִשְׁע֖וּ וְאֵ֣ין מֹשִׁ֑יעַ אֶל־יְהוָ֖ה וְלֹ֥א עָנָֽם׃Esaïe 1.15 1 Samuel 28.6 Michée 3.4 Proverbes 1.28 Job 27.9
⁴³ וְאֶשְׁחָקֵ֖ם כַּעֲפַר־אָ֑רֶץ כְּטִיט־חוּצֹ֥ות אֲדִקֵּ֖ם אֶרְקָעֵֽם׃Michée 7.10 Esaïe 10.6 2 Rois 13.7 Zacharie 10.5 Zacharie 2.6
⁴⁴ וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֨נִי֙ לְרֹ֣אשׁ גֹּויִ֔ם עַ֥ם לֹא־יָדַ֖עְתִּי יַעַבְדֻֽנִי׃Esaïe 55.5 2 Samuel 8.1-8.14 2 Samuel 3.1 2 Samuel 19.9 2 Samuel 19.14
⁴⁵ בְּנֵ֥י נֵכָ֖ר יִתְכַּֽחֲשׁוּ־לִ֑י לִשְׁמֹ֥ועַ אֹ֖זֶן יִשָּׁ֥מְעוּ לִֽי׃Psaumes 81.15 Psaumes 66.3 Esaïe 56.6 Psaumes 18.44-18.45 Actes 8.21-8.23
⁴⁶ בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרֹותָֽם׃Michée 7.17 Jacques 1.11 Esaïe 2.21 Esaïe 64.6 Amos 9.3
⁴⁷ חַי־יְהוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃Psaumes 89.26 Job 19.25 2 Samuel 22.3 Luc 1.47 Deutéronome 32.39-32.40
⁴⁸ הָאֵ֕ל הַנֹּתֵ֥ן נְקָמֹ֖ת לִ֑י וּמֹורִ֥יד עַמִּ֖ים תַּחְתֵּֽנִי׃Psaumes 144.2 Psaumes 94.1 2 Samuel 18.31 Psaumes 110.1 1 Samuel 25.39
⁴⁹ וּמֹוצִיאִ֖י מֵאֹֽיְבָ֑י וּמִקָּמַי֙ תְּרֹ֣ומְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃Psaumes 140.1 Nombres 24.7 Psaumes 52.1 2 Samuel 7.8-7.9 Psaumes 140.4
⁵⁰ עַל־כֵּ֛ן אֹודְךָ֥ יְהוָ֖ה בַּגֹּויִ֑ם וּלְשִׁמְךָ֖ אֲזַמֵּֽר׃Romains 15.9 Psaumes 18.49 Psaumes 145.1-145.2 Esaïe 12.1-12.6 Psaumes 146.1-146.2
⁵¹ מִגְדֹּ֖ול יְשׁוּעֹ֣ות מַלְכֹּ֑ו וְעֹֽשֶׂה־חֶ֧סֶד לִמְשִׁיחֹ֛ו לְדָוִ֥ד וּלְזַרְעֹ֖ו עַד־עֹולָֽם׃ פPsaumes 144.10 Psaumes 89.20 2 Samuel 7.12-7.13 Psaumes 18.50 Psaumes 89.29