Psaumes 16.9
Bible en Swahili de l’est

Récompense et certitude du juste

¹ Mungu, unihifadhi mimi, Kwa maana nakukimbilia Wewe.
² Nimemwambia Bwana, Ndiwe Bwana wangu; Sina wema ila utokao kwako.
³ Watakatifu waliopo duniani ndio Walio bora, Hao ndio niliopendezwa nao.
⁴ Huzuni zao zitaongezeka Wambadilio Mungu kwa mwingine; Sitazimimina sadaka zao za damu, Wala kuyataja majina yao midomoni mwangu.
⁵ Bwana ndiye fungu la posho langu, Na la kikombe changu; Wewe unaishika kura yangu.
⁶ Kamba zangu zimeniangukia mahali pema, Naam, nimepata urithi mzuri.
⁷ Nitamhimidi Bwana aliyenipa shauri, Naam, mtima wangu umenifundisha usiku.
⁸ Nimemweka Bwana mbele yangu daima, Kwa kuwa yuko kuumeni kwangu, sitaondoshwa.
⁹ Kwa hiyo moyo wangu unafurahi, Nao utukufu wangu unashangilia, Naam, mwili wangu nao utakaa kwa kutumaini.
¹⁰ Maana hutakuachia kuzimu nafsi yangu, Wala hutamtoa mtakatifu wako aone uharibifu.
¹¹ Utanijulisha njia ya uzima; Mbele za uso wako ziko furaha tele; Na katika mkono wako wa kuume Mna mema ya milele.