Juges 18.29
Vulgate

¹ in diebus illis non erat rex in Israhel et tribus Dan quaerebat possessionem sibi ut habitaret in ea usque ad illum enim diem inter ceteras tribus sortem non acceperat
Juges 17.6 Juges 19.1 Juges 21.25 Josué 19.40-19.48 Juges 1.34
² miserunt igitur filii Dan stirpis et familiae suae quinque viros fortissimos de Saraa et Esthaol ut explorarent terram et diligenter inspicerent dixeruntque eis ite et considerate terram qui cum pergentes venissent in montem Ephraim et intrassent domum Micha requieverunt ibi
Juges 13.25 Josué 2.1 Nombres 13.17 Juges 18.8 Juges 18.11
³ et agnoscentes vocem adulescentis Levitae utentesque illius diversorio dixerunt ad eum quis te huc adduxit quid hic agis quam ob causam huc venire voluisti
Esaïe 22.16 Juges 12.6 Genèse 27.22 Matthieu 26.73
⁴ qui respondit eis haec et haec praestitit mihi Michas et me mercede conduxit ut sim ei sacerdos
Juges 17.10 Juges 17.12 2 Pierre 2.3 Tite 1.11 Ezéchiel 13.19
⁵ rogaveruntque eum ut consuleret Dominum et scire possent an prospero itinere pergerent et res haberet effectum
1 Rois 22.5 Juges 17.5 Actes 8.10 2 Rois 16.15 Ezéchiel 21.21
⁶ qui respondit eis ite cum pace Dominus respicit viam vestram et iter quo pergitis
1 Rois 22.6 1 Thessaloniciens 3.11 1 Rois 22.12 Deutéronome 11.12 Psaumes 33.18
⁷ euntes itaque quinque viri venerunt Lais videruntque populum habitantem in ea absque ullo timore iuxta Sidoniorum consuetudinem securum et quietum nullo eis penitus resistente magnarumque opum et procul a Sidone atque a cunctis hominibus separatum
Josué 19.47 Juges 18.27-18.28 Romains 13.3 1 Samuel 3.13 Apocalypse 18.7
⁸ reversique ad fratres suos in Saraa et Esthaol et quid egissent sciscitantibus responderunt
Juges 18.2 Juges 18.11 Juges 16.31 Juges 13.2
⁹ surgite et ascendamus ad eos vidimus enim terram valde opulentam et uberem nolite neglegere nolite cessare eamus et possideamus eam nullus erit labor
Josué 2.23-2.24 Nombres 13.30 Josué 18.3 Jean 6.27 2 Samuel 10.12
¹⁰ intrabimus ad securos in regionem latissimam tradetque nobis Dominus locum in quo nullius rei est penuria eorum quae gignuntur in terra
Juges 18.7 Juges 18.27 Deutéronome 2.29 Deutéronome 8.7-8.9 Josué 6.16
¹¹ profecti igitur sunt de cognatione Dan id est de Saraa et Esthaol sescenti viri accincti armis bellicis
Juges 18.16
¹² ascendentesque manserunt in Cariathiarim Iudae qui locus ex eo tempore castrorum Dan nomen accepit et est post tergum Cariathiarim
Juges 13.25 Josué 15.60 1 Chroniques 13.5-13.6 1 Samuel 7.1 2 Chroniques 1.4
¹³ inde transierunt in montem Ephraim cumque venissent ad domum Micha
Juges 17.1 Juges 18.2-18.3 Josué 24.33 Juges 19.1 Josué 24.30
¹⁴ dixerunt quinque viri qui prius missi fuerant ad considerandam terram Lais ceteris fratribus suis nostis quod in domibus istis sit ephod et therafin et sculptile atque conflatile videte quid vobis placeat
Juges 17.5 Proverbes 19.27 1 Samuel 14.28 Juges 18.3-18.4 Esaïe 8.19-8.20
¹⁵ et cum paululum declinassent ingressi sunt domum adulescentis Levitae qui erat in domo Micha salutaveruntque eum verbis pacificis
Genèse 43.27 Luc 10.4-10.6 2 Rois 4.26 1 Samuel 17.22 Matthieu 10.12-10.13
¹⁶ sescenti autem viri ita ut erant armati stabant ante ostium
Juges 18.11
¹⁷ at illi qui ingressi fuerant domum iuvenis sculptile et ephod et therafin atque conflatile tollere nitebantur et sacerdos stabat ante ostium sescentis viris fortissimis haut procul expectantibus
Juges 18.14 Juges 17.4-17.5 Juges 18.2 Genèse 31.19 Juges 6.31
¹⁸ tulerunt igitur qui intraverant sculptile ephod et idola atque conflatile quibus dixit sacerdos quid facitis
¹⁹ cui responderunt tace et pone digitum super os tuum venique nobiscum ut habeamus te patrem et sacerdotem quid tibi melius est ut sis sacerdos in domo unius viri an in una tribu et familia in Israhel
Job 21.5 Job 29.9 Juges 17.10 Michée 7.16 Proverbes 30.32
²⁰ quod cum audisset adquievit sermonibus eorum et tulit ephod et idola ac sculptile et cum eis profectus est
Juges 17.10 Ezéchiel 13.19 Proverbes 30.15 Actes 20.33 Esaïe 56.11
²¹ qui cum pergerent et ante se ire fecissent parvulos et iumenta et omne quod erat pretiosum
²² iamque a domo Michae essent procul viri qui habitabant in aedibus Michae conclamantes secuti sunt
²³ et post tergum clamare coeperunt qui cum respexissent dixerunt ad Micham quid tibi vis cur clamas
1 Samuel 11.5 Esaïe 22.1 2 Rois 6.28 2 Samuel 14.5 Psaumes 114.5
²⁴ qui respondit deos meos quos mihi feci tulistis et sacerdotem et omnia quae habeo et dicitis quid tibi est
Psaumes 115.8 Esaïe 44.18-44.20 Habakuk 2.18-2.19 Jérémie 50.38 Juges 17.13
²⁵ dixeruntque ei filii Dan cave ne ultra loquaris ad nos et veniant ad te viri animo concitati et ipse cum omni domo tua pereas
Job 3.5 1 Samuel 30.6 2 Samuel 17.8 Job 27.2
²⁶ et sic coepto itinere perrexerunt videns autem Micha quod fortiores se essent reversus est in domum suam
²⁷ sescenti autem viri tulerunt sacerdotem et quae supra diximus veneruntque in Lais ad populum quiescentem atque securum et percusserunt eos in ore gladii urbemque incendio tradiderunt
Juges 18.7 Josué 19.47 Juges 18.10 Deutéronome 33.22 Josué 11.11
²⁸ nullo penitus ferente praesidium eo quod procul habitarent a Sidone et cum nullo hominum haberent quicquam societatis ac negotii erat autem civitas sita in regione Roob quam rursum extruentes habitaverunt in ea
2 Samuel 10.6 Nombres 13.21 Juges 18.7 Psaumes 50.22 2 Samuel 14.6
²⁹ vocato nomine civitatis Dan iuxta vocabulum patris sui quem genuerat Israhel quae prius Lais dicebatur
Josué 19.47 1 Rois 15.20 Genèse 14.14 1 Rois 12.29-12.30 Juges 20.1
³⁰ posueruntque sibi sculptile et Ionathan filium Gersan filii Mosi ac filios eius sacerdotes in tribu Dan usque ad diem captivitatis suae
Exode 2.22 Juges 17.3 Juges 17.5 Psaumes 78.60-78.62 Juges 13.1
³¹ mansitque apud eos idolum Michae omni tempore quo fuit domus Dei in Silo in diebus illis non erat rex in Israhel
Josué 18.1 Juges 19.18 1 Samuel 1.3 1 Samuel 4.4 Juges 21.21