Fermer le panneau de recherche

Appuyez sur Entrée pour rechercher ou ESC pour annuler.

Accueil  /  Bible  /  Vulgate  / Juges 16.8     

Juges 16.8
Vulgate


Samson prisonnier des Philistins

1 abiit quoque in Gazam et vidit ibi meretricem mulierem ingressusque est ad eam
Josué 15.47 Genèse 10.19 Genèse 38.16-38.18 Esdras 9.1-9.2
2 quod cum audissent Philisthim et percrebruisset apud eos intrasse urbem Samson circumdederunt eum positis in porta civitatis custodibus et ibi tota nocte cum silentio praestolantes ut facto mane exeuntem occiderent
Psaumes 118.10-118.12 1 Samuel 23.26 Actes 9.24 Juges 15.18 Matthieu 21.38
3 dormivit autem Samson usque ad noctis medium et inde consurgens adprehendit ambas portae fores cum postibus suis et sera inpositasque umeris portavit ad verticem montis qui respicit Hebron
Esaïe 63.1-63.5 Psaumes 107.16 Michée 2.13 Actes 2.24
4 post haec amavit mulierem quae habitabat in valle Sorech et vocabatur Dalila
Proverbes 22.14 Proverbes 26.11 1 Rois 11.1 Néhémie 13.26 Proverbes 23.27
5 veneruntque ad eam principes Philisthinorum atque dixerunt decipe eum et disce ab illo in quo tantam habeat fortitudinem et quomodo eum superare valeamus et vinctum adfligere quod si feceris dabimus tibi singuli mille centum argenteos
Juges 14.15 Josué 13.3 1 Corinthiens 6.15-6.18 Juges 17.2 Proverbes 2.16-2.19
6 locuta est ergo Dalila ad Samson dic mihi obsecro in quo sit tua maxima fortitudo et quid sit quo ligatus erumpere nequeas
Proverbes 6.26 Proverbes 22.14 Jérémie 9.2-9.5 Proverbes 26.28 Michée 7.2
7 cui respondit Samson si septem nervicis funibus necdum siccis et adhuc humentibus ligatus fuero infirmus ero ut ceteri homines
Proverbes 12.19 Proverbes 17.7 1 Samuel 27.10 Galates 6.7 1 Samuel 21.2-21.3
8 adtuleruntque ad eam satrapae Philisthinorum septem funes ut dixerat quibus vinxit eum
Ecclésiaste 7.26
9 latentibus apud se insidiis et in cubiculo finem rei expectantibus clamavitque ad eum Philisthim super te Samson qui rupit vincula quomodo si rumpat quis filum de stuppae tortum putamine cum odorem ignis acceperit et non est cognitum in quo esset fortitudo eius
Psaumes 58.9
10 dixitque ad eum Dalila ecce inlusisti mihi et falsum locutus es saltim nunc indica quo ligari debeas
Juges 16.13 Proverbes 23.7-23.8 Luc 22.48 Juges 16.15-16.17 Proverbes 24.28
11 cui ille respondit si ligatus fuero novis funibus qui numquam fuerunt in opere infirmus ero et aliorum hominum similis
Proverbes 13.5 Juges 15.13 Proverbes 29.25 Proverbes 13.3 Ephésiens 4.25
12 quibus rursum Dalila vinxit eum et clamavit Philisthim super te Samson in cubiculo insidiis praeparatis qui ita rupit vincula quasi fila telarum
13 dixitque Dalila rursum ad eum usquequo decipis me et falsum loqueris ostende quo vinciri debeas si inquit septem crines capitis mei cum licio plexueris et clavum his circumligatum terrae fixeris infirmus ero
14 quod cum fecisset Dalila dixit ad eum Philisthim super te Samson qui consurgens de somno extraxit clavum cum crinibus et licio
Psaumes 106.43 Esdras 9.13-9.14
15 dixitque ad eum Dalila quomodo dicis quod ames me cum animus tuus non sit mecum per tres vices mentitus es mihi et noluisti dicere in quo sit tua maxima fortitudo
Juges 14.16 Proverbes 5.3-5.14 Jean 15.10 2 Samuel 16.17 Proverbes 2.16
16 cumque molesta ei esset et per multos dies iugiter adhereret spatium ad quietem non tribuens defecit anima eius et ad mortem usque lassata est
Luc 18.5 Luc 11.8 Job 21.4 Proverbes 7.26-7.27 Jonas 4.9
17 tunc aperiens veritatem rei dixit ad eam ferrum numquam ascendit super caput meum quia nazareus id est consecratus Deo sum de utero matris meae si rasum fuerit caput meum recedet a me fortitudo mea et deficiam eroque ut ceteri homines
Juges 13.5 Nombres 6.5 Michée 7.5 Nombres 6.2 Actes 18.18
18 videns illa quod confessus ei esset omnem animum suum misit ad principes Philisthinorum atque mandavit ascendite adhuc semel quia nunc mihi aperuit cor suum qui ascenderunt adsumpta pecunia quam promiserant
Juges 16.5 Psaumes 62.9 Ephésiens 5.5 Jérémie 9.4-9.6 Nombres 22.7
19 at illa dormire eum fecit super genua sua et in sinu suo reclinare caput vocavitque tonsorem et rasit septem crines eius et coepit abicere eum et a se repellere statim enim ab eo fortitudo discessit
Proverbes 7.26-7.27 Ecclésiaste 7.26 Proverbes 23.33-23.34 Proverbes 7.21-7.23
20 dixitque Philisthim super te Samson qui de somno consurgens dixit in animo suo egrediar sicut ante feci et me excutiam nesciens quod Dominus recessisset ab eo
Nombres 14.42-14.43 1 Samuel 16.14 Josué 7.12 1 Samuel 18.12 2 Chroniques 15.2
21 quem cum adprehendissent Philisthim statim eruerunt oculos eius et duxerunt Gazam vinctum catenis et clausum in carcere molere fecerunt
Exode 11.5 Matthieu 24.41 Esaïe 47.2 Proverbes 5.22 Psaumes 107.10-107.12

Mort de Samson

22 iamque capilli eius renasci coeperant
Psaumes 107.13-107.14 Lévitique 26.44 Psaumes 106.44-106.45 Deutéronome 32.36
23 et principes Philisthinorum convenerunt in unum ut immolarent hostias magnificas Dagon deo suo et epularentur dicentes tradidit deus noster inimicum nostrum Samson in manus nostras
1 Samuel 5.2-5.5 Michée 4.5 1 Corinthiens 10.20 Romains 1.23-1.25 Job 30.9-30.10
24 quod etiam populus videns laudabat deum suum eademque dicebat tradidit deus noster in manus nostras adversarium qui delevit terram nostram et occidit plurimos
Daniel 5.4 Esaïe 37.20 Habakuk 1.16 Juges 15.16 1 Samuel 31.9
25 laetantesque per convivia sumptis iam epulis praeceperunt ut vocaretur Samson et ante eos luderet qui adductus de carcere ludebat ante eos feceruntque eum stare inter duas columnas
2 Samuel 13.28 Juges 9.27 Juges 19.6 Matthieu 27.29 Daniel 5.2-5.3
26 qui dixit puero regenti gressus suos dimitte me ut tangam columnas quibus omnis inminet domus ut recliner super eas et paululum requiescam
27 domus autem plena erat virorum ac mulierum et erant ibi omnes principes Philisthinorum ac de tecto et solario circiter tria milia utriusque sexus spectabant ludentem Samson
Deutéronome 22.8 Josué 2.8 2 Samuel 11.2 Juges 9.51
28 at ille invocato Domino ait Domine Deus memento mei et redde nunc mihi pristinam fortitudinem Deus meus ut ulciscar me de hostibus meis et pro amissione duorum luminum unam ultionem recipiam
Jérémie 15.15 Psaumes 74.18-74.23 Psaumes 91.15 2 Chroniques 20.12 Juges 15.18
29 et adprehendens ambas columnas quibus innitebatur domus alteramque earum dextera et alteram leva tenens
30 ait moriatur anima mea cum Philisthim concussisque fortiter columnis cecidit domus super omnes principes et ceteram multitudinem quae ibi erat multoque plures interfecit moriens quam ante vivus occiderat
Matthieu 16.25 Job 20.5 1 Thessaloniciens 5.2 Juges 14.19 Juges 15.8
31 descendentes autem fratres eius et universa cognatio tulerunt corpus eius et sepelierunt inter Saraa et Esthaol in sepulchro patris Manue iudicavitque Israhel viginti annis
Juges 15.20 Juges 13.2 Juges 13.25 Josué 19.41 Jean 19.39-19.42

Cette Bible est dans le domaine public.