2 Corinthiens 3.3
Vulgate

¹ incipimus iterum nosmet ipsos commendare aut numquid egemus sicut quidam commendaticiis epistulis ad vos aut ex vobis
Actes 18.27 2 Corinthiens 5.12 2 Corinthiens 12.11 2 Corinthiens 10.12 1 Corinthiens 16.3
² epistula nostra vos estis scripta in cordibus nostris quae scitur et legitur ab omnibus hominibus
1 Corinthiens 9.1-9.2 1 Thessaloniciens 1.8 Romains 1.8 2 Corinthiens 11.11 2 Corinthiens 7.3
³ manifestati quoniam epistula estis Christi ministrata a nobis et scripta non atramento sed Spiritu Dei vivi non in tabulis lapideis sed in tabulis cordis carnalibus
Jérémie 31.33 Ezéchiel 11.19 Hébreux 8.10 Matthieu 16.16 Exode 24.12
⁴ fiduciam autem talem habemus per Christum ad Deum
Ephésiens 3.12 1 Thessaloniciens 1.8 Exode 18.19 2 Corinthiens 2.14 Philippiens 1.6
⁵ non quod sufficientes simus cogitare aliquid a nobis quasi ex nobis sed sufficientia nostra ex Deo est
1 Corinthiens 15.10 Philippiens 4.13 2 Corinthiens 12.9 Jean 15.5 Jacques 1.17
⁶ qui et idoneos nos fecit ministros novi testamenti non litterae sed Spiritus littera enim occidit Spiritus autem vivificat
Jean 6.63 Jérémie 31.31 Romains 7.6 1 Corinthiens 11.25 Luc 22.20
⁷ quod si ministratio mortis litteris deformata in lapidibus fuit in gloria ita ut non possent intendere filii Israhel in faciem Mosi propter gloriam vultus eius quae evacuatur
2 Corinthiens 3.6 2 Corinthiens 3.9-3.11 Exode 31.18 2 Corinthiens 3.3 Romains 10.4
⁸ quomodo non magis ministratio Spiritus erit in gloria
Actes 2.17-2.18 Galates 5.22-5.23 Romains 8.9-8.16 Esaïe 44.3 Jean 1.17
⁹ nam si ministratio damnationis gloria est multo magis abundat ministerium iustitiae in gloria
Hébreux 12.18-12.21 Romains 3.21-3.22 Exode 20.18-20.19 Galates 5.4-5.5 Romains 10.3-10.10
¹⁰ nam nec glorificatum est quod claruit in hac parte propter excellentem gloriam
Philippiens 3.7-3.8 Actes 26.13 Aggée 2.3 Apocalypse 22.5 2 Pierre 1.17
¹¹ si enim quod evacuatur per gloriam est multo magis quod manet in gloria est
Hébreux 8.13 Hébreux 7.21-7.25 2 Corinthiens 3.6-3.7 Romains 5.20-5.21 2 Corinthiens 4.1
¹² habentes igitur talem spem multa fiducia utimur
2 Corinthiens 7.4 1 Thessaloniciens 2.2 Actes 4.13 1 Corinthiens 14.19 Jean 16.29
¹³ et non sicut Moses ponebat velamen super faciem suam ut non intenderent filii Israhel in faciem eius quod evacuatur
Exode 34.33-34.35 2 Corinthiens 3.7 Colossiens 2.17 Ephésiens 2.14-2.15 Hébreux 10.1-10.9
¹⁴ sed obtusi sunt sensus eorum usque in hodiernum enim diem id ipsum velamen in lectione veteris testamenti manet non revelatum quoniam in Christo evacuatur
2 Corinthiens 4.3-4.4 Actes 26.18 Romains 11.25 Ephésiens 1.17-1.20 Actes 16.14
¹⁵ sed usque in hodiernum diem cum legitur Moses velamen est positum super cor eorum
Actes 13.27-13.29
¹⁶ cum autem conversus fuerit ad Deum aufertur velamen
Exode 34.34 Esaïe 25.7 Esaïe 29.18 Esaïe 54.13 Deutéronome 30.10
¹⁷ Dominus autem Spiritus est ubi autem Spiritus Domini ibi libertas
Romains 8.2 Galates 4.6 Jean 8.32 Galates 5.13 Romains 8.15-8.16
¹⁸ nos vero omnes revelata facie gloriam Domini speculantes in eandem imaginem transformamur a claritate in claritatem tamquam a Domini Spiritu
2 Corinthiens 4.6 Ephésiens 4.22-4.24 2 Corinthiens 4.4 Romains 12.2 Romains 8.29