Fermer le panneau de recherche

Appuyez sur Entrée pour rechercher ou ESC pour annuler.

Accueil  /  Bible  /  Vulgate  / 1 Corinthiens 15.8     

1 Corinthiens 15.8
Vulgate


Rappel de l’Évangile : la résurrection

1 notum autem vobis facio fratres evangelium quod praedicavi vobis quod et accepistis in quo et statis
Romains 5.2 Romains 2.16 1 Pierre 5.12 Galates 1.6-1.12 2 Corinthiens 1.24
2 per quod et salvamini qua ratione praedicaverim vobis si tenetis nisi si frustra credidistis
Hébreux 3.6 1 Corinthiens 1.18 Hébreux 3.14 Ephésiens 2.8 Romains 1.16
3 tradidi enim vobis in primis quod et accepi quoniam Christus mortuus est pro peccatis nostris secundum scripturas
1 Pierre 2.24 Esaïe 53.1-53.12 1 Corinthiens 11.23 Actes 26.22-26.23 Galates 1.12
4 et quia sepultus est et quia resurrexit tertia die secundum scripturas
Osée 6.2 Matthieu 12.40 Actes 26.22-26.23 Psaumes 16.10-16.11 Esaïe 53.9-53.12
5 et quia visus est Cephae et post haec undecim
Marc 16.14 Actes 10.41 1 Corinthiens 1.12 1 Corinthiens 9.5 Jean 1.42
6 deinde visus est plus quam quingentis fratribus simul ex quibus multi manent usque adhuc quidam autem dormierunt
Matthieu 28.16-28.17 Matthieu 28.10 Actes 7.60 Actes 13.36 1 Thessaloniciens 4.13
7 deinde visus est Iacobo deinde apostolis omnibus
Luc 24.50 Actes 1.2-1.12 Actes 12.17 Luc 24.33 Luc 24.36
8 novissime autem omnium tamquam abortivo visus est et mihi
1 Corinthiens 9.1 Actes 9.17 Actes 26.16 Actes 22.14 Actes 18.9
9 ego enim sum minimus apostolorum qui non sum dignus vocari apostolus quoniam persecutus sum ecclesiam Dei
Actes 8.3 2 Corinthiens 12.11 Ephésiens 3.7-3.8 1 Timothée 1.13-1.15 2 Corinthiens 11.5
10 gratia autem Dei sum id quod sum et gratia eius in me vacua non fuit sed abundantius illis omnibus laboravi non ego autem sed gratia Dei mecum
2 Corinthiens 3.5 Philippiens 2.13 Galates 2.8 Ephésiens 3.7-3.8 Ephésiens 2.7-2.8
11 sive enim ego sive illi sic praedicamus et sic credidistis
1 Corinthiens 15.3-15.4 1 Corinthiens 2.2
12 si autem Christus praedicatur quod resurrexit a mortuis quomodo quidam dicunt in vobis quoniam resurrectio mortuorum non est
Actes 23.8 2 Timothée 2.18 Actes 26.8 Actes 17.32 1 Corinthiens 15.13-15.19
13 si autem resurrectio mortuorum non est neque Christus resurrexit
1 Thessaloniciens 4.14 2 Timothée 4.8 2 Corinthiens 4.10-4.14 Romains 8.11 Jean 11.25-11.26
14 si autem Christus non resurrexit inanis est ergo praedicatio nostra inanis est et fides vestra
1 Corinthiens 15.17 Jacques 2.20 1 Thessaloniciens 4.14 Jacques 1.26 1 Corinthiens 15.2
15 invenimur autem et falsi testes Dei quoniam testimonium diximus adversus Deum quod suscitaverit Christum quem non suscitavit si mortui non resurgunt
Actes 2.24 Actes 13.30-13.33 Exode 23.3 1 Corinthiens 15.13 Actes 4.33
16 nam si mortui non resurgunt neque Christus resurrexit
17 quod si Christus non resurrexit vana est fides vestra adhuc enim estis in peccatis vestris
Romains 4.25 1 Pierre 1.3 1 Corinthiens 15.14 Hébreux 10.4-10.12 Hébreux 7.23-7.28
18 ergo et qui dormierunt in Christo perierunt
Apocalypse 14.13 1 Corinthiens 15.6 1 Thessaloniciens 4.13-4.14 1 Thessaloniciens 4.16
19 si in hac vita tantum in Christo sperantes sumus miserabiliores sumus omnibus hominibus
2 Timothée 3.12 1 Pierre 1.21 Jean 16.33 1 Corinthiens 6.3-6.4 2 Timothée 2.4
20 nunc autem Christus resurrexit a mortuis primitiae dormientium
1 Pierre 1.3 Actes 26.23 1 Corinthiens 15.23 Apocalypse 1.5 Colossiens 1.18
21 quoniam enim per hominem mors et per hominem resurrectio mortuorum
Romains 6.23 Jean 11.25 Romains 5.12-5.17 1 Corinthiens 15.22
22 et sicut in Adam omnes moriuntur ita et in Christo omnes vivificabuntur
Romains 5.12-5.21 Jean 5.21-5.29 Genèse 2.17 Genèse 3.19 Genèse 3.6
23 unusquisque autem in suo ordine primitiae Christus deinde hii qui sunt Christi in adventu eius
1 Corinthiens 15.20 1 Corinthiens 15.52 Galates 3.29 Esaïe 26.19 2 Corinthiens 10.7
24 deinde finis cum tradiderit regnum Deo et Patri cum evacuaverit omnem principatum et potestatem et virtutem
Daniel 7.14 Daniel 7.27 Matthieu 28.18 Esaïe 9.7 Daniel 2.44
25 oportet autem illum regnare donec ponat omnes inimicos sub pedibus eius
Psaumes 110.1 Matthieu 22.44 Psaumes 45.3-45.6 Psaumes 2.6-2.10 Marc 12.36
26 novissima autem inimica destruetur mors omnia enim subiecit sub pedibus eius cum autem dicat
2 Timothée 1.10 Apocalypse 20.14 Apocalypse 21.4 Hébreux 2.14 1 Corinthiens 15.55
27 omnia subiecta sunt sine dubio praeter eum qui subiecit ei omnia
Matthieu 28.18 Psaumes 8.6 Matthieu 11.27 1 Pierre 3.22 Hébreux 2.8
28 cum autem subiecta fuerint illi omnia tunc ipse Filius subiectus erit illi qui sibi subiecit omnia ut sit Deus omnia in omnibus
1 Corinthiens 3.23 Philippiens 3.21 1 Corinthiens 12.6 1 Corinthiens 11.3 Psaumes 2.8-2.9
29 alioquin quid facient qui baptizantur pro mortuis si omnino mortui non resurgunt ut quid et baptizantur pro illis
Romains 6.3-6.4 Matthieu 20.22 1 Corinthiens 15.16 1 Corinthiens 15.32
30 ut quid et nos periclitamur omni hora
2 Corinthiens 4.7-4.12 Romains 8.36-8.39 Galates 5.11 2 Corinthiens 6.9 1 Corinthiens 15.31
31 cotidie morior per vestram gloriam fratres quam habeo in Christo Iesu Domino nostro
Romains 8.36 1 Thessaloniciens 2.19 2 Corinthiens 4.10-4.11 1 Thessaloniciens 3.9 Jérémie 11.7
32 si secundum hominem ad bestias pugnavi Ephesi quid mihi prodest si mortui non resurgunt manducemus et bibamus cras enim moriemur
Esaïe 22.13 Luc 12.19 Esaïe 56.12 Luc 9.25 Jude 1.10
33 nolite seduci corrumpunt mores bonos conloquia mala
Proverbes 13.20 Matthieu 24.4 1 Corinthiens 5.6 Ephésiens 5.6 1 Corinthiens 6.9
34 evigilate iuste et nolite peccare ignorantiam enim Dei quidam habent ad reverentiam vobis loquor
Romains 13.11 1 Corinthiens 6.5 Jean 5.14 Hébreux 5.11-5.12 1 Thessaloniciens 4.5
35 sed dicet aliquis quomodo resurgunt mortui quali autem corpore veniunt
Ezéchiel 37.3 Psaumes 73.11 Romains 9.19 Ezéchiel 37.11 Job 22.13
36 insipiens tu quod seminas non vivificatur nisi prius moriatur
Jean 12.24 Luc 12.20 Ephésiens 5.15 Romains 1.22 Luc 11.40
37 et quod seminas non corpus quod futurum est seminas sed nudum granum ut puta tritici aut alicuius ceterorum
38 Deus autem dat illi corpus sicut voluit et unicuique seminum proprium corpus
Marc 4.26-4.29 1 Corinthiens 3.7 Esaïe 61.11 Genèse 1.11-1.12 Psaumes 104.14
39 non omnis caro eadem caro sed alia hominum alia pecorum alia caro volucrum alia autem piscium
Genèse 1.20-1.26
40 et corpora caelestia et corpora terrestria sed alia quidem caelestium gloria alia autem terrestrium
41 alia claritas solis alia claritas lunae et alia claritas stellarum stella enim ab stella differt in claritate
Esaïe 24.23 Psaumes 8.3 Job 31.26 Psaumes 19.4-19.6 Genèse 1.14
42 sic et resurrectio mortuorum seminatur in corruptione surgit in incorruptione
Daniel 12.3 Matthieu 13.43 Romains 8.21 Genèse 3.19 Actes 2.27
43 seminatur in ignobilitate surgit in gloria seminatur in infirmitate surgit in virtute
Colossiens 3.4 Matthieu 22.29-22.30 Philippiens 3.10 Marc 12.24-12.25 Psaumes 102.23
44 seminatur corpus animale surgit corpus spiritale si est corpus animale est et spiritale sic et scriptum est
1 Corinthiens 15.50 Jean 20.26 Luc 24.31 Jean 20.19
45 factus est primus homo Adam in animam viventem novissimus Adam in spiritum vivificantem
Romains 8.2 Jean 5.21 Genèse 2.7 Jean 6.57 Jean 6.33
46 sed non prius quod spiritale est sed quod animale est deinde quod spiritale
Ephésiens 4.22-4.24 Colossiens 3.9-3.10 Romains 6.6
47 primus homo de terra terrenus secundus homo de caelo caelestis
Jean 3.31 Genèse 2.7 Genèse 3.19 Luc 1.16-1.17 Jean 3.12-3.13
48 qualis terrenus tales et terreni et qualis caelestis tales et caelestes
Philippiens 3.20-3.21 Jean 3.6 Genèse 5.3 Job 14.4 1 Corinthiens 15.21-15.22
49 igitur sicut portavimus imaginem terreni portemus et imaginem caelestis
Romains 8.29 Genèse 5.3 2 Corinthiens 3.18 1 Jean 3.2 Matthieu 13.43
50 hoc autem dico fratres quoniam caro et sanguis regnum Dei possidere non possunt neque corruptio incorruptelam possidebit
Matthieu 16.17 Ephésiens 4.17 Galates 5.16 1 Corinthiens 6.13 1 Corinthiens 1.12
51 ecce mysterium vobis dico omnes quidem resurgemus sed non omnes inmutabimur
Philippiens 3.21 1 Thessaloniciens 4.14-4.17 1 Corinthiens 15.20 1 Corinthiens 2.7 1 Corinthiens 13.2
52 in momento in ictu oculi in novissima tuba canet enim et mortui resurgent incorrupti et nos inmutabimur
Matthieu 24.31 Jean 5.25 Esaïe 27.13 Zacharie 9.14 Psaumes 73.19
53 oportet enim corruptibile hoc induere incorruptelam et mortale hoc induere inmortalitatem
2 Corinthiens 5.2-5.4 1 Jean 3.2 Romains 13.12-13.14 Ephésiens 4.24 Romains 2.7
54 cum autem mortale hoc induerit inmortalitatem tunc fiet sermo qui scriptus est absorta est mors in victoria
Esaïe 25.8 Apocalypse 21.4 Apocalypse 20.14 Hébreux 2.14-2.15 Romains 2.7
55 ubi est mors victoria tua ubi est mors stimulus tuus
Osée 13.14 Psaumes 89.48 Psaumes 49.8-49.15 Ecclésiaste 3.19 Luc 16.23
56 stimulus autem mortis peccatum est virtus vero peccati lex
Romains 4.15 Romains 7.5-7.13 Galates 3.10-3.13 Romains 6.23 Proverbes 14.32
57 Deo autem gratias qui dedit nobis victoriam per Dominum nostrum Iesum Christum
2 Corinthiens 2.14 Romains 8.37 1 Jean 5.4-5.5 Romains 7.25 Jean 16.33
58 itaque fratres mei dilecti stabiles estote et inmobiles abundantes in opere Domini semper scientes quod labor vester non est inanis in Domino
Galates 6.9 2 Chroniques 15.7 Hébreux 6.10 2 Pierre 3.17-3.18 Colossiens 1.23

Cette Bible est dans le domaine public.