Visions de Daniel
Vision des quatre bêtes
1 Anno primo Baltassar, regis Babylonis, Daniel somnium vidit; visio autem capitis ejus in cubili suo; et somnium scribens brevi sermone comprehendit, summatimque perstringens, ait:
Daniel 4.5 Daniel 5.1 Daniel 7.15 Amos 3.7 Job 33.14-33.16
2 Videbam in visione mea nocte: et ecce quatuor venti caeli pugnabant in mari magno,
Apocalypse 7.1 Apocalypse 17.15
3 et quatuor bestiae grandes ascendebant de mari diversae inter se.
Apocalypse 13.1 Daniel 7.17 Daniel 7.4-7.8 Ezéchiel 19.3-19.8 Zacharie 6.1-6.8
4 Prima quasi leaena, et alas habebat aquilae; aspiciebam donec evulsae sunt aliae ejus; et sublata est de terra, et super pedes quasi homo stetit, et cor hominis datum est ei.
Jérémie 4.7 Ezéchiel 17.3 Esaïe 14.13-14.17 Jérémie 4.13 Daniel 5.18-5.23
5 Et ecce bestia alia similis urso in parte stetit; et tres ordines erant in ore ejus, et in dentibus ejus, et sic dicebant ei: Surge, comede carnes plurimas.
Daniel 2.39 Esaïe 13.17-13.18 Osée 13.8 Jérémie 50.21-50.32 Ezéchiel 39.17-39.20
6 Post haec aspiciebam, et ecce alia quasi pardus; et alas habebat quasi avis, quatuor super se; et quatuor capita erant in bestia, et potestas data est ei.
Apocalypse 13.2 Osée 13.7 Daniel 2.39 Daniel 10.20 Daniel 8.5-8.8
7 Post haec aspiciebam in visione noctis, et ecce bestia quarta terribilis, atque mirabilis, et fortis nimis; dentes ferreos habebat magnos, comedens atque comminuens. et reliqua pedibus suis conculcans; dissimilis autem erat ceteris bestiis quas videram ante eam, et habebat cornua decem.
Apocalypse 13.1 Apocalypse 12.3 Daniel 7.23-7.24 Apocalypse 17.12 Daniel 7.19-7.20
8 Considerabam cornua, et ecce cornu aliud parvulum ortum est de medio eorum; et tria de cornibus primis evulsa sunt a facie ejus; et ecce oculi, quasi oculi hominis, erant in cornu isto, et os loquens ingentia.
Apocalypse 13.5-13.6 Psaumes 12.3 Daniel 8.9-8.12 Apocalypse 13.1 Apocalypse 9.7
9 Aspiciebam donec throni positi sunt, et antiquus dierum sedit. Vestimentum ejus candidum quasi nix, et capilli capitis ejus quasi lana munda; thronus ejus flammae ignis, rotae ejus ignis accensus.
Apocalypse 1.14 Marc 9.3 Psaumes 90.2 Matthieu 17.2 Michée 5.2
10 Fluvius igneus rapidusque egrediebatur a facie ejus; millia millium ministrabant ei, et decies millies centena millia assistebant ei. Judicium sedit, et libri aperti sunt.
Esaïe 30.27 Apocalypse 5.11 Apocalypse 20.11-20.15 Psaumes 50.3 Psaumes 68.17
11 Aspiciebam propter vocem sermonum grandium quos cornu illud loquebatur; et vidi quoniam interfecta esset bestia, et perisset corpus ejus, et traditum esset ad comburendum igni;
Apocalypse 19.20 Apocalypse 20.10 Daniel 7.8 2 Thessaloniciens 2.8 Apocalypse 18.8
12 aliarum quoque bestiarum ablata esset potestas, et tempora vitae constituta essent eis risque ad tempus et tempus.
Daniel 8.7 Daniel 7.4-7.6
13 Aspiciebam ergo in visione noctis, et ecce cum nubibus caeli quasi Filius hominis veniebat, et usque ad antiquum dierum pervenit. Et in conspectu ejus obtulerunt eum;
Matthieu 26.64 Apocalypse 1.7 Apocalypse 1.13 Matthieu 24.30 Apocalypse 14.14
14 et dedit ei potestatem, et honorem, et regnum; et omnes populi, tribus, et linguae ipsi servient: potestas ejus. potestas aeterna, quae non auferetur, et regnum ejus, quod non corrumpetur.
Daniel 7.27 Apocalypse 11.15 Daniel 2.44 Hébreux 12.28 Psaumes 110.1-110.2
15 Horruit spiritus meus; ego Daniel territus sum in his, et visiones capitis mei conturbaverunt me.
Daniel 7.28 2 Pierre 1.14 Daniel 4.5 Jérémie 17.16 Daniel 8.27
16 Accessi ad unum de assistentibus, et veritatem quaerebam ab eo de omnibus his. Qui dixit mihi interpretationem sermonum, et docuit me.
Apocalypse 7.13-7.14 Apocalypse 5.5 Zacharie 1.8-1.11 Daniel 7.10 Daniel 9.22
17 Hae quatuor bestiae magnae quatuor sunt regna quae consurgent de terra.
Jean 18.36 Daniel 8.19-8.22 Apocalypse 13.1 Apocalypse 13.11 Psaumes 17.14
18 Suscipient autem regnum sancti Dei altissimi, et obtinebunt regnum usque in saeculum, et saeculum saeculorum.
Apocalypse 20.4 Apocalypse 2.26-2.27 Psaumes 149.5-149.9 Daniel 7.27 Esaïe 60.12-60.14
19 Post hoc volui diligenter discere de bestia quarta, quae erat dissimilis valde ab omnibus, et terribilis nimis: dentes et ungues ejus ferrei; comedebat, et comminuebat, et reliqua pedibus suis conculcabat;
Daniel 7.7 Daniel 2.40-2.43
20 et de cornibus decem quae habebat in capite, et de alio, quod ortum fuerat, ante quod ceciderant tria cornua; et de cornu illo, quod habebat oculos, et os loquens grandia; et majus erat ceteris.
Daniel 7.8 Daniel 8.9-8.11 Daniel 11.36-11.37 Daniel 7.23 Daniel 7.11
21 Aspiciebam, et ecce cornu illud faciebat bellum adversus sanctos, et praevalebat eis,
Daniel 8.24 Daniel 12.7 Apocalypse 17.14 Apocalypse 13.5-13.18 Apocalypse 17.6
22 donec venit antiquus dierum, et judicium dedit sanctis Excelsi; et tempus advenit, et regnum obtinuerunt sancti.
Daniel 7.18 1 Corinthiens 6.2-6.3 Apocalypse 20.4 Apocalypse 11.11-11.18 Apocalypse 19.11-19.21
23 Et sic ait: Bestia quarta, regnum quartum erit in terra, quod majus erit omnibus regnis; et devorabit universam terram, et conculcabit, et comminuet eam.
Daniel 2.40 Luc 2.1 Daniel 7.7
24 Porro cornua decem ipsius regni, decem reges erunt; et alius consurget post eos, et ipse potentior erit prioribus, et tres reges humiliabit.
Daniel 7.20 Apocalypse 13.1 Apocalypse 12.3 Apocalypse 17.16-17.18 Apocalypse 17.12-17.13
25 Et sermones contra Excelsum loquetur, et sanctos Altissimi conteret, et putabit quod possit mutare tempora, et leges; et tradentur in manu ejus usque ad tempus, et tempora, et dimidium temporis.
Apocalypse 12.14 Daniel 12.7 Daniel 2.21 Daniel 12.11-12.12 2 Thessaloniciens 2.4
26 Et judicium sedebit, ut auferatur potentia, et conteratur, et dispereat usque in finem;
2 Thessaloniciens 2.8 Apocalypse 11.13 Daniel 7.10-7.11 Daniel 7.22 Apocalypse 20.10-20.11
27 regnum autem, et potestas, et magnitudo regni, quae est subter omne caelum, detur populo sanctorum Altissimi: cujus regnum, regnum sempiternum est, et omnes reges servient ei, et obedient.
Daniel 2.44 Psaumes 72.11 Luc 1.33 Psaumes 22.27 Psaumes 86.9
28 Hucusque finis verbi. Ego Daniel multum cogitationibus meis conturbabar, et facies mea mutata est in me; verbum autem in corde meo conservavi.
Luc 2.51 Luc 2.19 Daniel 7.15 Daniel 8.27 Daniel 4.19