Exode 25.22
Vulgate

Instructions pour la construction du tabernacle

Les offrandes

¹ locutusque est Dominus ad Mosen dicens
² loquere filiis Israhel ut tollant mihi primitias ab omni homine qui offert ultroneus accipietis eas
Esdras 2.68 2 Corinthiens 9.7 Esdras 1.6 1 Chroniques 29.1-29.30 Esdras 3.5
³ haec sunt autem quae accipere debetis aurum et argentum et aes
Job 28.2 Deutéronome 8.9
⁴ hyacinthum et purpuram coccumque bis tinctum et byssum pilos caprarum
Genèse 41.42 Ezéchiel 16.10 Apocalypse 19.8
⁵ et pelles arietum rubricatas pelles ianthinas et ligna setthim
Exode 36.20 Exode 26.37-27.1 Exode 26.26 Exode 26.14-26.15
⁶ oleum ad luminaria concinnanda aromata in unguentum et thymiama boni odoris
Exode 27.20 Exode 40.24-40.25 Exode 30.23-30.38 Exode 25.37
⁷ lapides onychinos et gemmas ad ornandum ephod ac rationale
Exode 28.4 Exode 28.6-28.30
⁸ facientque mihi sanctuarium et habitabo in medio eorum
2 Corinthiens 6.16 1 Rois 6.13 Exode 29.45 Apocalypse 21.3 Hébreux 9.1-9.2
⁹ iuxta omnem similitudinem tabernaculi quod ostendam tibi et omnium vasorum in cultum eius sicque facietis illud
Exode 25.40 Hébreux 8.5 Hébreux 9.9 1 Chroniques 28.11-28.19 Actes 7.44

L’arche de l’alliance

¹⁰ arcam de lignis setthim conpingite cuius longitudo habeat duos semis cubitos latitudo cubitum et dimidium altitudo cubitum similiter ac semissem
Hébreux 9.4 Exode 37.1-37.3 Deutéronome 10.1-10.3 Apocalypse 11.19 2 Chroniques 8.11
¹¹ et deaurabis eam auro mundissimo intus et foris faciesque supra coronam auream per circuitum
Exode 25.24 Exode 30.3 2 Chroniques 3.4 1 Rois 6.20
¹² et quattuor circulos aureos quos pones per quattuor arcae angulos duo circuli sint in latere uno et duo in altero
Exode 37.5 Exode 27.7 Exode 25.26 Exode 38.7 Exode 26.29
¹³ facies quoque vectes de lignis setthim et operies eos auro
Exode 30.5 Nombres 4.8 Nombres 4.6 Exode 40.20 Exode 37.4
¹⁴ inducesque per circulos qui sunt in arcae lateribus ut portetur in eis
¹⁵ qui semper erunt in circulis nec umquam extrahentur ab eis
1 Rois 8.8 2 Chroniques 5.9
¹⁶ ponesque in arcam testificationem quam dabo tibi
Deutéronome 31.26 1 Rois 8.9 Hébreux 9.4 Exode 16.34 Romains 3.2
¹⁷ facies et propitiatorium de auro mundissimo duos cubitos et dimidium tenebit longitudo eius cubitum ac semissem latitudo
Exode 37.6 Romains 3.25 Hébreux 9.5 Exode 26.34 1 Chroniques 28.11
¹⁸ duos quoque cherubin aureos et productiles facies ex utraque parte oraculi
1 Chroniques 28.18 Genèse 3.24 Hébreux 9.5 Ezéchiel 10.2 1 Rois 8.6-8.7
¹⁹ cherub unus sit in latere uno et alter in altero
²⁰ utrumque latus propitiatorii tegant expandentes alas et operientes oraculum respiciantque se mutuo versis vultibus in propitiatorium quo operienda est arca
1 Chroniques 28.18 1 Rois 8.7 Hébreux 9.5 1 Corinthiens 11.10 Hébreux 1.14
²¹ in qua pones testimonium quod dabo tibi
Exode 26.34 Romains 10.4 Exode 25.16-25.17
²² inde praecipiam et loquar ad te supra propitiatorio scilicet ac medio duorum cherubin qui erunt super arcam testimonii cuncta quae mandabo per te filiis Israhel
Exode 29.42-29.43 Nombres 7.89 Psaumes 80.1 Nombres 17.4 Esaïe 37.16

La table des pains consacrés

²³ facies et mensam de lignis setthim habentem duos cubitos longitudinis et in latitudine cubitum et in altitudine cubitum ac semissem
Exode 37.10-37.16 Hébreux 9.2 1 Rois 7.48 2 Chroniques 4.8 Ezéchiel 40.41-40.42
²⁴ et inaurabis eam auro purissimo faciesque illi labium aureum per circuitum
Exode 25.11 1 Rois 6.20-6.22
²⁵ et ipsi labio coronam interrasilem altam quattuor digitis et super illam alteram coronam aureolam
Exode 37.2 Exode 30.3
²⁶ quattuor quoque circulos aureos praeparabis et pones eos in quattuor angulis eiusdem mensae per singulos pedes
²⁷ subter coronam erunt circuli aurei ut mittantur vectes per eos et possit mensa portari
Exode 25.28 Exode 25.14
²⁸ ipsosque vectes facies de lignis setthim et circumdabis auro ad subvehendam mensam
Exode 25.27 Actes 9.15 Nombres 10.17 Exode 25.14
²⁹ parabis et acetabula ac fialas turibula et cyatos in quibus offerenda sunt libamina ex auro purissimo
Nombres 4.7 Exode 37.16 2 Chroniques 4.22 Lévitique 24.5-24.9 Cantique 5.1
³⁰ et pones super mensam panes propositionis in conspectu meo semper
Exode 39.36 1 Chroniques 9.32 1 Samuel 21.6 Malachie 1.12 Lévitique 24.5-24.9

Le chandelier en or

³¹ facies et candelabrum ductile de auro mundissimo hastile eius et calamos scyphos et spherulas ac lilia ex ipso procedentia
Exode 37.17-37.24 1 Rois 7.49 Zacharie 4.2 Apocalypse 1.12 Hébreux 9.2
³² sex calami egredientur de lateribus tres ex uno latere et tres ex altero
³³ tres scyphi quasi in nucis modum per calamos singulos spherulaque simul et lilium et tres similiter scyphi instar nucis in calamo altero spherulaque et lilium hoc erit opus sex calamorum qui producendi sunt de hastili
Zacharie 4.3 Jérémie 1.11-1.12 Nombres 17.4-17.8 Exode 37.19-37.20
³⁴ in ipso autem candelabro erunt quattuor scyphi in nucis modum spherulaeque per singulos et lilia
³⁵ spherula sub duobus calamis per tria loca qui simul sex fiunt procedentes de hastili uno
³⁶ et spherae igitur et calami ex ipso erunt universa ductilia de auro purissimo
Exode 25.18 Nombres 8.4 1 Rois 10.16-10.17 2 Chroniques 9.15
³⁷ facies et lucernas septem et pones eas super candelabrum ut luceant ex adverso
Nombres 8.2 2 Chroniques 13.11 Exode 27.21 Lévitique 24.2-24.4 Proverbes 6.23
³⁸ emunctoria quoque et ubi quae emuncta sunt extinguantur fient de auro purissimo
2 Chroniques 4.21 Esaïe 6.6 Nombres 4.9 Jérémie 52.18 1 Rois 7.50
³⁹ omne pondus candelabri cum universis vasis suis habebit talentum auri mundissimi
⁴⁰ inspice et fac secundum exemplar quod tibi in monte monstratum est
Actes 7.44 Exode 26.30 Hébreux 8.5 Nombres 8.4 1 Chroniques 28.11