Psaumes 88.6
Vulgate

Lamentation dans le malheur

¹ intellectus Aethan Ezraitae
Psaumes 22.2 Luc 18.7 Psaumes 51.14 Psaumes 27.9 Psaumes 53.1
² misericordias Domini in aeternum cantabo in generationem et generationem adnuntiabo veritatem tuam in ore meo
Psaumes 31.2 Psaumes 141.1-141.2 Psaumes 79.11 1 Rois 8.31 Lamentations 3.8
³ quoniam dixisti in aeternum misericordia aedificabitur in caelis praeparabitur veritas tua in eis;
Psaumes 107.18 Lamentations 3.15-3.19 Marc 14.33-14.34 Job 6.2-6.4 Psaumes 107.26
⁴ disposui testamentum electis meis iuravi David servo meo
Psaumes 28.1 Psaumes 143.7 2 Corinthiens 1.9 Psaumes 30.9 Psaumes 109.22-109.24
⁵ usque in aeternum praeparabo semen tuum et aedificabo in generationem et generationem sedem tuam diapsalma
Esaïe 53.8 Psaumes 31.22 Psaumes 88.16 Job 11.10 Psaumes 31.12
⁶ confitebuntur caeli mirabilia tua Domine etenim veritatem tuam in ecclesia sanctorum
Psaumes 69.15 Psaumes 143.3 Psaumes 86.13 Jude 1.6 Lamentations 3.2
⁷ quoniam quis in nubibus aequabitur Domino similis erit Domino in filiis Dei
Psaumes 42.7 Psaumes 38.1 Job 10.16 Romains 2.5-2.9 Psaumes 102.10
⁸ Deus qui glorificatur in consilio sanctorum magnus et horrendus super omnes qui in circuitu eius sunt
Psaumes 31.11 Jérémie 32.2 Esaïe 49.7 Zacharie 11.8 Job 12.14
⁹ Domine Deus virtutum quis similis tibi potens es Domine et veritas tua in circuitu tuo
Job 11.13 Psaumes 143.6 Psaumes 86.3 Psaumes 38.10 Psaumes 44.20
¹⁰ tu dominaris potestatis maris motum autem fluctuum eius tu mitigas
Psaumes 6.5 Psaumes 30.9 1 Corinthiens 15.52-15.57 Esaïe 26.19 Marc 5.35-5.36
¹¹ tu humiliasti sicut vulneratum superbum in brachio virtutis tuae dispersisti inimicos tuos
Psaumes 55.23 Psaumes 73.18 Matthieu 7.13 Proverbes 15.11 2 Pierre 2.1
¹² tui sunt caeli et tua est terra orbem terrae et plenitudinem eius tu fundasti
Ecclésiaste 9.5 Psaumes 143.3 Ecclésiaste 2.16 Jude 1.13 Job 10.21-10.22
¹³ aquilonem et mare tu creasti Thabor et Hermon in nomine tuo exultabunt
Psaumes 5.3 Psaumes 30.2 Psaumes 119.147-119.148 Marc 1.35
¹⁴ tuum brachium cum potentia firmetur manus tua et exaltetur dextera tua
Job 13.24 Psaumes 13.1 Psaumes 43.2 Psaumes 44.24 Psaumes 69.17
¹⁵ iustitia et iudicium praeparatio sedis tuae misericordia et veritas praecedent faciem tuam
Job 6.4 Esaïe 53.10 Job 17.11-17.16 Esaïe 53.3 Zacharie 13.7
¹⁶ beatus populus qui scit iubilationem Domine in lumine vultus tui ambulabunt
Daniel 9.26 Psaumes 90.11 Esaïe 53.8 Psaumes 89.46 Psaumes 102.10
¹⁷ et in nomine tuo exultabunt tota die et in iustitia tua exaltabuntur
Psaumes 22.16 Psaumes 69.1-69.2 Psaumes 118.10-118.12 Psaumes 42.7 Job 30.14-30.15
¹⁸ quoniam gloria virtutis eorum tu es et in beneplacito tuo exaltabitur cornu nostrum
Psaumes 38.11 Psaumes 88.8 Psaumes 31.11 Job 19.12-19.15
¹⁹ quia Domini est adsumptio nostra; et Sancti Israhel regis nostri
²⁰ tunc locutus es in visione sanctis tuis et dixisti posui adiutorium in potentem exaltavi electum de plebe mea
²¹ inveni David servum meum in oleo sancto meo linui eum
²² manus enim mea auxiliabitur ei et brachium meum confirmabit eum
²³ nihil proficiet inimicus in eo et filius iniquitatis non adponet nocere eum
²⁴ et concidam a facie ipsius inimicos eius et odientes eum in fugam convertam
²⁵ et veritas mea et misericordia mea cum ipso et in nomine meo exaltabitur cornu eius
²⁶ et ponam in mari manum eius et in fluminibus dexteram eius
²⁷ ipse invocabit me pater meus es tu Deus meus et susceptor salutis meae
²⁸ et ego primogenitum ponam illum excelsum prae regibus terrae
²⁹ in aeternum servabo illi misericordiam meam et testamentum meum fidele ipsi
³⁰ et ponam in saeculum saeculi semen eius et thronum eius sicut dies caeli
³¹ si dereliquerint filii eius legem meam et in iudiciis meis non ambulaverint
³² si iustitias meas profanaverint et mandata mea non custodierint
³³ visitabo in virga iniquitates eorum et in verberibus peccata eorum
³⁴ misericordiam autem meam non dispergam ab eo neque nocebo in veritate mea
³⁵ neque profanabo testamentum meum et quae procedunt de labiis meis non faciam irrita
³⁶ semel iuravi in sancto meo si David mentiar
³⁷ semen eius in aeternum manebit
³⁸ et thronus eius sicut sol in conspectu meo et sicut luna perfecta in aeternum et testis in caelo fidelis diapsalma
³⁹ tu vero reppulisti et despexisti distulisti christum tuum
⁴⁰ evertisti testamentum servi tui profanasti in terram sanctuarium eius
⁴¹ destruxisti omnes sepes eius posuisti firmamenta eius formidinem
⁴² diripuerunt eum omnes transeuntes viam factus est obprobrium vicinis suis
⁴³ exaltasti dexteram deprimentium eum laetificasti omnes inimicos eius
⁴⁴ avertisti adiutorium gladii eius et non es auxiliatus ei in bello
⁴⁵ destruxisti eum a mundatione sedem eius in terram conlisisti
⁴⁶ minorasti dies temporis eius perfudisti eum confusione diapsalma
⁴⁷ usquequo Domine avertis in finem exardescet sicut ignis ira tua
⁴⁸ memorare quae mea substantia numquid enim vane constituisti omnes filios hominum
⁴⁹ quis est homo qui vivet et non videbit mortem eruet animam suam de manu inferi diapsalma
⁵⁰ ubi sunt misericordiae tuae antiquae Domine sicut iurasti David in veritate tua
⁵¹ memor esto Domine obprobrii servorum tuorum quod continui in sinu meo multarum gentium
⁵² quod exprobraverunt inimici tui Domine quod exprobraverunt commutationem christi tui
⁵³ benedictus Dominus in aeternum fiat fiat