1 Chroniques 20.1
Vulgate

Prise de Rabba

¹ factum est autem post anni circulum eo tempore quo solent reges ad bella procedere congregavit Ioab exercitum et robur militiae et vastavit terram filiorum Ammon perrexitque et obsedit Rabba porro David manebat in Hierusalem quando Ioab percussit Rabba et destruxit eam
2 Samuel 11.1 Amos 1.14 Deutéronome 3.11 2 Rois 13.20 Esaïe 54.16
² tulit autem David coronam Melchom de capite eius et invenit in ea auri pondo talentum et pretiosissimas gemmas fecitque sibi inde diadema manubias quoque urbis plurimas tulit
2 Samuel 8.11-8.12 2 Samuel 12.30-12.31 1 Chroniques 18.11
³ populum autem qui erat in ea eduxit et fecit super eos tribulas et trahas et ferrata carpenta transire ita ut dissicarentur et contererentur sic fecit David cunctis urbibus filiorum Ammon et reversus est cum omni populo suo in Hierusalem
1 Chroniques 19.2-19.5 2 Samuel 12.31 Juges 8.6-8.7 1 Rois 9.21 Psaumes 21.8-21.9

Exploits contre les Philistins

⁴ post haec initum est bellum in Gazer adversus Philistheos in quo percussit Sobbochai Usathites Saphai de genere Raphaim et humiliavit eos
2 Samuel 21.18-21.22 Josué 12.12 Josué 16.3 2 Samuel 21.15 1 Chroniques 11.29
⁵ aliud quoque bellum gestum est adversum Philistheos in quo percussit Adeodatus filius Saltus Lehemites fratrem Goliath Getthei cuius hastae lignum erat quasi liciatorium texentium
2 Samuel 21.19 1 Samuel 21.9 1 Samuel 22.10 1 Samuel 17.4 1 Samuel 17.7
⁶ sed et aliud bellum accidit in Geth in quo fuit homo longissimus habens digitos senos id est simul viginti quattuor qui et ipse de Rapha fuerat stirpe generatus
2 Samuel 21.20
⁷ hic blasphemavit Israhel et percussit eum Ionathan filius Sammaa fratris David
1 Chroniques 2.13 1 Samuel 16.9 1 Samuel 17.36 1 Samuel 17.26 1 Samuel 17.10
⁸ hii sunt filii Rapha in Geth qui ceciderunt in manu David et servorum eius
Jérémie 9.23 Romains 8.31 Ecclésiaste 9.11 Josué 14.12