Genèse 27.1
Vulgate

Histoire de Jacob

Vol de la bénédiction d’Ésaü

¹ senuit autem Isaac et caligaverunt oculi eius et videre non poterat vocavitque Esau filium suum maiorem et dixit ei fili mi qui respondit adsum
Genèse 48.10 1 Samuel 3.2 Jean 9.3 Genèse 25.23-25.25 Ecclésiaste 12.3
² cui pater vides inquit quod senuerim et ignorem diem mortis meae
Jacques 4.14 Marc 13.35 Esaïe 38.1 Esaïe 38.3 Genèse 48.21
³ sume arma tua faretram et arcum et egredere foras cumque venatu aliquid adprehenderis
Genèse 25.27-25.28 Genèse 10.9 1 Corinthiens 6.12
⁴ fac mihi inde pulmentum sicut velle me nosti et adfer ut comedam et benedicat tibi anima mea antequam moriar
Hébreux 11.20 Genèse 49.28 Genèse 48.9 Genèse 27.25 Genèse 48.15-48.20
⁵ quod cum audisset Rebecca et ille abisset in agrum ut iussionem patris expleret
⁶ dixit filio suo Iacob audivi patrem tuum loquentem cum Esau fratre tuo et dicentem ei
Genèse 25.28
⁷ adfer mihi venationem tuam et fac cibos ut comedam et benedicam tibi coram Domino antequam moriar
Josué 6.26 1 Samuel 24.19 Deutéronome 33.1
⁸ nunc ergo fili mi adquiesce consiliis meis
Genèse 27.13 Genèse 27.43 Actes 4.19 Actes 5.29 Ephésiens 6.1
⁹ et pergens ad gregem adfer mihi duos hedos optimos ut faciam ex eis escas patri tuo quibus libenter vescitur
1 Samuel 16.20 Juges 13.15
¹⁰ quas cum intuleris et comederit benedicat tibi priusquam moriatur
¹¹ cui ille respondit nosti quod Esau frater meus homo pilosus sit et ego lenis
Genèse 25.25
¹² si adtractaverit me pater meus et senserit timeo ne putet sibi voluisse inludere et inducat super me maledictionem pro benedictione
Deutéronome 27.18 Genèse 9.25 1 Thessaloniciens 5.22 Job 12.16 Genèse 25.27
¹³ ad quem mater in me sit ait ista maledictio fili mi tantum audi vocem meam et perge adferque quae dixi
Matthieu 27.25 2 Samuel 14.9 1 Samuel 25.24 Genèse 25.23 1 Samuel 14.24-14.28
¹⁴ abiit et adtulit deditque matri paravit illa cibos sicut noverat velle patrem illius
Genèse 27.31 Proverbes 23.2-23.3 Genèse 25.28 Genèse 27.7 Genèse 27.9
¹⁵ et vestibus Esau valde bonis quas apud se habebat domi induit eum
Genèse 27.27 Luc 20.46 Luc 15.22
¹⁶ pelliculasque hedorum circumdedit manibus et colli nuda protexit
¹⁷ dedit pulmentum et panes quos coxerat tradidit
¹⁸ quibus inlatis dixit pater mi et ille respondit audio quis tu es fili mi
¹⁹ dixitque Iacob ego sum Esau primogenitus tuus feci sicut praecepisti mihi surge sede et comede de venatione mea ut benedicat mihi anima tua
1 Rois 14.2 Genèse 25.25 Genèse 27.24-27.25 Genèse 27.4 Matthieu 26.70-26.74
²⁰ rursum Isaac ad filium suum quomodo inquit tam cito invenire potuisti fili mi qui respondit voluntatis Dei fuit ut cito mihi occurreret quod volebam
Job 13.7 Genèse 24.12 Exode 20.7
²¹ dixitque Isaac accede huc ut tangam te fili mi et probem utrum tu sis filius meus Esau an non
Genèse 27.12 Psaumes 73.28 Esaïe 57.19 Jacques 4.8
²² accessit ille ad patrem et palpato eo dixit Isaac vox quidem vox Iacob est sed manus manus sunt Esau
²³ et non cognovit eum quia pilosae manus similitudinem maioris expresserant benedicens ergo illi
Hébreux 11.20 Genèse 27.16 Romains 9.11-9.12
²⁴ ait tu es filius meus Esau respondit ego sum
Romains 3.7-3.8 1 Samuel 21.13 Proverbes 30.8 1 Samuel 21.2 2 Samuel 14.5
²⁵ at ille offer inquit mihi cibos de venatione tua fili mi ut benedicat tibi anima mea quos cum oblatos comedisset obtulit ei etiam vinum quo hausto
Genèse 27.4
²⁶ dixit ad eum accede ad me et da mihi osculum fili mi
²⁷ accessit et osculatus est eum statimque ut sensit vestimentorum illius flagrantiam benedicens ait ecce odor filii mei sicut odor agri cui benedixit Dominus
Hébreux 11.20 Osée 14.6-14.7 Cantique 2.13 Cantique 7.12-7.13 Psaumes 65.10
²⁸ det tibi Deus de rore caeli et de pinguedine terrae abundantiam frumenti et vini
Deutéronome 33.28 Deutéronome 33.13 Genèse 27.39 Deutéronome 7.13 Joël 2.19
²⁹ et serviant tibi populi et adorent te tribus esto dominus fratrum tuorum et incurventur ante te filii matris tuae qui maledixerit tibi sit maledictus et qui benedixerit benedictionibus repleatur
Genèse 12.3 Nombres 24.9 Genèse 9.25-9.26 Romains 9.12 Genèse 27.37
³⁰ vix Isaac sermonem impleverat et egresso Iacob foras venit Esau
³¹ coctosque de venatione cibos intulit patri dicens surge pater mi et comede de venatione filii tui ut benedicat mihi anima tua
Genèse 27.4
³² dixitque illi Isaac quis enim es tu qui respondit ego sum primogenitus filius tuus Esau
Genèse 27.18
³³ expavit Isaac stupore vehementi et ultra quam credi potest admirans ait quis igitur ille est qui dudum captam venationem adtulit mihi et comedi ex omnibus priusquam tu venires benedixique ei et erit benedictus
Genèse 28.3-28.4 Romains 11.29 Ephésiens 1.3 Hébreux 11.20 Job 37.1
³⁴ auditis Esau sermonibus patris inrugiit clamore magno et consternatus ait benedic etiam mihi pater mi
Hébreux 12.17 Proverbes 1.31 Proverbes 1.24-1.28 1 Samuel 30.4 Luc 13.24-13.28
³⁵ qui ait venit germanus tuus fraudulenter et accepit benedictionem tuam
Job 13.7 2 Corinthiens 4.7 Romains 3.7-3.8 1 Thessaloniciens 4.6 Malachie 2.10
³⁶ at ille subiunxit iuste vocatum est nomen eius Iacob subplantavit enim me en altera vice primogenita mea ante tulit et nunc secundo subripuit benedictionem meam rursumque ad patrem numquid non reservasti ait et mihi benedictionem
Genèse 25.26 Genèse 25.31-25.34 Jean 1.47 Genèse 32.28
³⁷ respondit Isaac dominum tuum illum constitui et omnes fratres eius servituti illius subiugavi frumento et vino stabilivi eum tibi post haec fili mi ultra quid faciam
Genèse 27.28-27.29 2 Samuel 8.14 Genèse 25.23 Romains 9.10-9.12
³⁸ cui Esau num unam inquit tantum benedictionem habes pater mihi quoque obsecro ut benedicas cumque heiulatu magno fleret
Hébreux 12.17 Genèse 27.34 Esaïe 32.10-32.12 Proverbes 1.24-1.26 Genèse 49.28
³⁹ motus Isaac dixit ad eum in pinguedine terrae et in rore caeli desuper
Genèse 27.28 Hébreux 11.20 Genèse 36.6-36.8 Josué 24.4
⁴⁰ erit benedictio tua vives gladio et fratri tuo servies tempusque veniet cum excutias et solvas iugum eius de cervicibus tuis
2 Rois 8.20-8.22 Genèse 25.23 2 Samuel 8.14 2 Rois 14.10 Genèse 32.6

Fuite de Jacob

⁴¹ oderat ergo semper Esau Iacob pro benedictione qua benedixerat ei pater dixitque in corde suo veniant dies luctus patris mei ut occidam Iacob fratrem meum
Genèse 37.4 Genèse 50.3-50.4 1 Jean 3.12-3.15 Genèse 32.6 Genèse 37.8
⁴² nuntiata sunt haec Rebeccae quae mittens et vocans Iacob filium suum dixit ad eum ecce Esau frater tuus minatur ut occidat te
Proverbes 4.16-4.17 1 Samuel 30.5 Proverbes 2.14 Genèse 37.18-37.20 Genèse 42.21-42.22
⁴³ nunc ergo fili audi vocem meam et consurgens fuge ad Laban fratrem meum in Haran
Genèse 27.8 Genèse 11.31 Genèse 27.13 Genèse 24.29 Genèse 28.10
⁴⁴ habitabisque cum eo dies paucos donec requiescat furor fratris tui
Genèse 31.38 Genèse 31.41
⁴⁵ et cesset indignatio eius obliviscaturque eorum quae fecisti in eum postea mittam et adducam te inde huc cur utroque orbabor filio in una die
Jacques 4.13-4.15 Proverbes 19.21 Genèse 9.5-9.6 Actes 28.4 Genèse 27.35
⁴⁶ dixit quoque Rebecca ad Isaac taedet me vitae meae propter filias Heth si acceperit Iacob uxorem de stirpe huius terrae nolo vivere
Genèse 24.3 Genèse 26.34-26.35 Genèse 28.8 Jonas 4.3 Genèse 34.1-34.2