Abdias 1.9
Septante

Le jugement d’Édom et ses causes

¹ ὅρασις Αβδιου τάδε λέγει κύριος ὁ θεὸς τῇ Ιδουμαίᾳ ἀκοὴν ἤκουσα παρὰ κυρίου καὶ περιοχὴν εἰς τὰ ἔθνη ἐξαπέστειλεν ἀνάστητε καὶ ἐξαναστῶμεν ἐπ’ αὐτὴν εἰς πόλεμον.
Amos 1.11-1.12 Ezéchiel 25.12-25.14 Esaïe 63.1-63.6 Psaumes 137.7 Malachie 1.3-1.4
² ἰδοὺ ὀλιγοστὸν δέδωκά σε ἐν τοῖς ἔθνεσιν ἠτιμωμένος σὺ εἶ σφόδρα.
Esaïe 23.9 Nombres 24.18 Luc 1.51-1.52 1 Samuel 2.7-2.8 Michée 7.10
³ ὑπερηφανία τῆς καρδίας σου ἐπῆρέν σε κατασκηνοῦντα ἐν ταῖς ὀπαῖς τῶν πετρῶν ὑψῶν κατοικίαν αὐτοῦ λέγων ἐν καρδίᾳ αὐτοῦ τίς με κατάξει ἐπὶ τὴν γῆν.
Esaïe 14.13-14.15 Esaïe 16.6 Proverbes 29.23 Jérémie 49.16 2 Rois 14.7
⁴ ἐὰν μετεωρισθῇς ὡς ἀετὸς καὶ ἐὰν ἀνὰ μέσον τῶν ἄστρων θῇς νοσσιάν σου ἐκεῖθεν κατάξω σε λέγει κύριος.
Habakuk 2.9 Esaïe 14.12-14.15 Job 20.6-20.7 Jérémie 51.53 Jérémie 49.16
⁵ εἰ κλέπται εἰσῆλθον πρὸς σὲ ἢ λῃσταὶ νυκτός ποῦ ἂν ἀπερρίφης οὐκ ἂν ἔκλεψαν τὰ ἱκανὰ ἑαυτοῖς καὶ εἰ τρυγηταὶ εἰσῆλθον πρὸς σέ οὐκ ἂν ὑπελίποντο ἐπιφυλλίδα.
Jérémie 49.9 Deutéronome 24.21 Esaïe 17.6 Esaïe 14.12 Sophonie 2.15
⁶ πῶς ἐξηρευνήθη Ησαυ καὶ κατελήμφθη αὐτοῦ τὰ κεκρυμμένα.
Jérémie 49.10 Psaumes 139.1 Esaïe 10.13-10.14 Jérémie 50.37 Esaïe 45.3
⁷ ἕως τῶν ὁρίων σου ἐξαπέστειλάν σε πάντες οἱ ἄνδρες τῆς διαθήκης σου ἀντέστησάν σοι ἠδυνάσθησαν πρὸς σὲ ἄνδρες εἰρηνικοί σου ἔθηκαν ἔνεδρα ὑποκάτω σου οὐκ ἔστιν σύνεσις αὐτοῖς.
Psaumes 41.9 Jérémie 30.14 Jérémie 49.7 Psaumes 55.12-55.13 Ezéchiel 23.22-23.25
⁸ ἐν ἐκείνῃ τῇ ἡμέρᾳ λέγει κύριος ἀπολῶ σοφοὺς ἐκ τῆς Ιδουμαίας καὶ σύνεσιν ἐξ ὄρους Ησαυ.
Esaïe 29.14 Job 5.12-5.14 1 Corinthiens 3.19-3.20 Esaïe 19.3 Psaumes 33.10
⁹ καὶ πτοηθήσονται οἱ μαχηταί σου οἱ ἐκ Θαιμαν ὅπως ἐξαρθῇ ἄνθρωπος ἐξ ὄρους Ησαυ.
Genèse 36.11 Amos 1.12 Esaïe 63.1-63.3 Ezéchiel 25.13 Esaïe 34.5-34.8
¹⁰ διὰ τὴν σφαγὴν καὶ τὴν ἀσέβειαν τὴν εἰς τὸν ἀδελφόν σου Ιακωβ καὶ καλύψει σε αἰσχύνη καὶ ἐξαρθήσῃ εἰς τὸν αἰῶνα.
Amos 1.11 Psaumes 89.45 Nombres 20.14-20.21 Genèse 27.41 Psaumes 137.7
¹¹ ἀφ’ ἧς ἡμέρας ἀντέστης ἐξ ἐναντίας ἐν ἡμέρᾳ αἰχμαλωτευόντων ἀλλογενῶν δύναμιν αὐτοῦ καὶ ἀλλότριοι εἰσῆλθον εἰς πύλας αὐτοῦ καὶ ἐπὶ Ιερουσαλημ ἔβαλον κλήρους καὶ σὺ ἦς ὡς εἷς ἐξ αὐτῶν.
Nahum 3.10 Psaumes 137.7 Joël 3.3 2 Rois 25.11 2 Rois 24.10-24.16
¹² καὶ μὴ ἐπίδῃς ἡμέραν ἀδελφοῦ σου ἐν ἡμέρᾳ ἀλλοτρίων καὶ μὴ ἐπιχαρῇς ἐπὶ τοὺς υἱοὺς Ιουδα ἐν ἡμέρᾳ ἀπωλείας αὐτῶν καὶ μὴ μεγαλορρημονήσῃς ἐν ἡμέρᾳ θλίψεως.
Proverbes 17.5 Michée 4.11 Ezéchiel 35.15 1 Samuel 2.3 Psaumes 22.17
¹³ μηδὲ εἰσέλθῃς εἰς πύλας λαῶν ἐν ἡμέρᾳ πόνων αὐτῶν μηδὲ ἐπίδῃς καὶ σὺ τὴν συναγωγὴν αὐτῶν ἐν ἡμέρᾳ ὀλέθρου αὐτῶν μηδὲ συνεπιθῇ ἐπὶ τὴν δύναμιν αὐτῶν ἐν ἡμέρᾳ ἀπωλείας αὐτῶν.
2 Samuel 16.12 Ezéchiel 35.10 Psaumes 22.17 Ezéchiel 35.5 Zacharie 1.15
¹⁴ μηδὲ ἐπιστῇς ἐπὶ τὰς διεκβολὰς αὐτῶν τοῦ ἐξολεθρεῦσαι τοὺς ἀνασῳζομένους αὐτῶν μηδὲ συγκλείσῃς τοὺς φεύγοντας ἐξ αὐτῶν ἐν ἡμέρᾳ θλίψεως.
Esaïe 37.3 Genèse 35.3 Jérémie 30.7 Amos 1.6 Abdias 1.12

Le jour de l’Éternel

¹⁵ διότι ἐγγὺς ἡμέρα κυρίου ἐπὶ πάντα τὰ ἔθνη ὃν τρόπον ἐποίησας οὕτως ἔσται σοι τὸ ἀνταπόδομά σου ἀνταποδοθήσεται εἰς κεφαλήν σου.
Habakuk 2.8 Ezéchiel 30.3 Ezéchiel 35.15 Jérémie 50.29 Psaumes 137.8
¹⁶ διότι ὃν τρόπον ἔπιες ἐπὶ τὸ ὄρος τὸ ἅγιόν μου πίονται πάντα τὰ ἔθνη οἶνον πίονται καὶ καταβήσονται καὶ ἔσονται καθὼς οὐχ ὑπάρχοντες.
Jérémie 49.12 Joël 3.17 Jérémie 25.15-25.16 Esaïe 51.22-51.23 Psaumes 75.8-75.9
¹⁷ ἐν δὲ τῷ ὄρει Σιων ἔσται ἡ σωτηρία καὶ ἔσται ἅγιον καὶ κατακληρονομήσουσιν ὁ οἶκος Ιακωβ τοὺς κατακληρονομήσαντας αὐτούς.
Amos 9.11-9.15 Joël 2.32 Esaïe 14.1-14.2 Amos 9.8 Esaïe 4.3-4.4
¹⁸ καὶ ἔσται ὁ οἶκος Ιακωβ πῦρ ὁ δὲ οἶκος Ιωσηφ φλόξ ὁ δὲ οἶκος Ησαυ εἰς καλάμην καὶ ἐκκαυθήσονται εἰς αὐτοὺς καὶ καταφάγονται αὐτούς καὶ οὐκ ἔσται πυροφόρος ἐν τῷ οἴκῳ Ησαυ διότι κύριος ἐλάλησεν.
Zacharie 12.6 Esaïe 10.17 Joël 2.5 Esaïe 5.24 Abdias 1.16
¹⁹ καὶ κατακληρονομήσουσιν οἱ ἐν Ναγεβ τὸ ὄρος τὸ Ησαυ καὶ οἱ ἐν τῇ Σεφηλα τοὺς ἀλλοφύλους καὶ κατακληρονομήσουσιν τὸ ὄρος Εφραιμ καὶ τὸ πεδίον Σαμαρείας καὶ Βενιαμιν καὶ τὴν Γαλααδῖτιν.
Amos 9.12 Sophonie 2.4-2.7 Jérémie 32.44 Ezéchiel 36.6-36.12 Nombres 24.18-24.19
²⁰ καὶ τῆς μετοικεσίας ἡ ἀρχὴ αὕτη τοῖς υἱοῖς Ισραηλ γῆ τῶν Χαναναίων ἕως Σαρεπτων καὶ ἡ μετοικεσία Ιερουσαλημ ἕως Εφραθα καὶ κληρονομήσουσιν τὰς πόλεις τοῦ Ναγεβ.
Luc 4.26 1 Rois 17.9-17.10 Jérémie 33.13 Jérémie 32.44 Ezéchiel 34.12-34.13
²¹ καὶ ἀναβήσονται ἄνδρες σεσῳσμένοι ἐξ ὄρους Σιων τοῦ ἐκδικῆσαι τὸ ὄρος Ησαυ καὶ ἔσται τῷ κυρίῳ ἡ βασιλεία.
Zacharie 14.9 Apocalypse 11.15 Daniel 7.27 Psaumes 22.28 Daniel 2.44