Esaïe 43.1
Septante

Dieu, le seul Sauveur

¹ καὶ νῦν οὕτως λέγει κύριος ὁ θεὸς ὁ ποιήσας σε Ιακωβ ὁ πλάσας σε Ισραηλ μὴ φοβοῦ ὅτι ἐλυτρωσάμην σε ἐκάλεσά σε τὸ ὄνομά σου ἐμὸς εἶ σύ.
Esaïe 43.7 Zacharie 13.9 Esaïe 45.3-45.4 Esaïe 44.2 Jérémie 50.34
² καὶ ἐὰν διαβαίνῃς δι’ ὕδατος μετὰ σοῦ εἰμι καὶ ποταμοὶ οὐ συγκλύσουσίν σε καὶ ἐὰν διέλθῃς διὰ πυρός οὐ μὴ κατακαυθῇς φλὸξ οὐ κατακαύσει σε.
Psaumes 66.12 Daniel 3.25-3.27 Psaumes 91.15 Josué 1.9 Esaïe 41.10
³ ὅτι ἐγὼ κύριος ὁ θεός σου ὁ ἅγιος Ισραηλ ὁ σῴζων σε ἐποίησά σου ἄλλαγμα Αἴγυπτον καὶ Αἰθιοπίαν καὶ Σοήνην ὑπὲρ σοῦ.
Exode 20.2 Esaïe 45.15 Proverbes 21.18 Esaïe 45.21 Esaïe 49.26
⁴ ἀφ’ οὗ ἔντιμος ἐγένου ἐναντίον μου ἐδοξάσθης κἀγώ σε ἠγάπησα καὶ δώσω ἀνθρώπους πολλοὺς ὑπὲρ σοῦ καὶ ἄρχοντας ὑπὲρ τῆς κεφαλῆς σου.
Exode 19.5-19.6 Genèse 12.2 Deutéronome 32.9-32.14 1 Pierre 2.9 Deutéronome 7.6-7.8
⁵ μὴ φοβοῦ ὅτι μετὰ σοῦ εἰμι ἀπὸ ἀνατολῶν ἄξω τὸ σπέρμα σου καὶ ἀπὸ δυσμῶν συνάξω σε.
Esaïe 49.12 Esaïe 43.2 Jérémie 30.10-30.11 Esaïe 44.2 Zacharie 8.7
⁶ ἐρῶ τῷ βορρᾷ ἄγε καὶ τῷ λιβί μὴ κώλυε ἄγε τοὺς υἱούς μου ἀπὸ γῆς πόρρωθεν καὶ τὰς θυγατέρας μου ἀπ’ ἄκρων τῆς γῆς.
2 Corinthiens 6.17-6.18 Jérémie 3.14 Psaumes 107.3 Galates 3.26-3.29 Osée 1.10-1.11
⁷ πάντας ὅσοι ἐπικέκληνται τῷ ὀνόματί μου ἐν γὰρ τῇ δόξῃ μου κατεσκεύασα αὐτὸν καὶ ἔπλασα καὶ ἐποίησα αὐτόν.
Ephésiens 2.10 Esaïe 43.1 Esaïe 43.21 Psaumes 100.3 Jacques 2.7
⁸ καὶ ἐξήγαγον λαὸν τυφλόν καὶ ὀφθαλμοί εἰσιν ὡσαύτως τυφλοί καὶ κωφοὶ τὰ ὦτα ἔχοντες.
Ezéchiel 12.2 Esaïe 6.9 Jérémie 5.21 Esaïe 44.18-44.20 Deutéronome 29.2-29.4
⁹ πάντα τὰ ἔθνη συνήχθησαν ἅμα καὶ συναχθήσονται ἄρχοντες ἐξ αὐτῶν τίς ἀναγγελεῖ ταῦτα ἢ τὰ ἐξ ἀρχῆς τίς ἀναγγελεῖ ὑμῖν ἀγαγέτωσαν τοὺς μάρτυρας αὐτῶν καὶ δικαιωθήτωσαν καὶ εἰπάτωσαν ἀληθῆ.
Esaïe 43.26 Esaïe 41.1 Psaumes 49.1-49.2 Psaumes 50.1 Josué 24.15-24.24
¹⁰ γένεσθέ μοι μάρτυρες κἀγὼ μάρτυς λέγει κύριος ὁ θεός καὶ ὁ παῖς ὃν ἐξελεξάμην ἵνα γνῶτε καὶ πιστεύσητε καὶ συνῆτε ὅτι ἐγώ εἰμι ἔμπροσθέν μου οὐκ ἐγένετο ἄλλος θεὸς καὶ μετ’ ἐμὲ οὐκ ἔσται.
Esaïe 41.4 Esaïe 43.12 Esaïe 45.6 Esaïe 42.1 Esaïe 46.8-46.9
¹¹ ἐγὼ ὁ θεός καὶ οὐκ ἔστιν πάρεξ ἐμοῦ σῴζων.
Osée 13.4 Esaïe 12.2 Tite 2.13 Esaïe 43.3 Luc 2.11
¹² ἀνήγγειλα καὶ ἔσωσα ὠνείδισα καὶ οὐκ ἦν ἐν ὑμῖν ἀλλότριος ὑμεῖς ἐμοὶ μάρτυρες κἀγὼ μάρτυς λέγει κύριος ὁ θεός.
Esaïe 43.10 Deutéronome 32.12 Esaïe 44.8 Esaïe 37.35-37.36 Psaumes 81.9-81.10
¹³ ἔτι ἀπ’ ἀρχῆς καὶ οὐκ ἔστιν ὁ ἐκ τῶν χειρῶν μου ἐξαιρούμενος ποιήσω καὶ τίς ἀποστρέψει αὐτό.
Psaumes 90.2 Job 9.12 Esaïe 14.27 Esaïe 46.10 Psaumes 50.22
¹⁴ οὕτως λέγει κύριος ὁ θεὸς ὁ λυτρούμενος ὑμᾶς ὁ ἅγιος Ισραηλ ἕνεκεν ὑμῶν ἀποστελῶ εἰς Βαβυλῶνα καὶ ἐπεγερῶ πάντας φεύγοντας καὶ Χαλδαῖοι ἐν πλοίοις δεθήσονται.
Esaïe 23.13 Jérémie 50.27-50.34 Jérémie 51.1-51.11 Esaïe 54.5-54.8 Esaïe 44.6
¹⁵ ἐγὼ κύριος ὁ θεὸς ὁ ἅγιος ὑμῶν ὁ καταδείξας Ισραηλ βασιλέα ὑμῶν.
Esaïe 43.1 Esaïe 43.21 Esaïe 45.11 Esaïe 41.16 Esaïe 40.25
¹⁶ οὕτως λέγει κύριος ὁ διδοὺς ὁδὸν ἐν θαλάσσῃ καὶ ἐν ὕδατι ἰσχυρῷ τρίβον.
Esaïe 51.10 Psaumes 77.19 Néhémie 9.11 Josué 3.13-3.16 Psaumes 136.13-136.15
¹⁷ ὁ ἐξαγαγὼν ἅρματα καὶ ἵππον καὶ ὄχλον ἰσχυρόν ἀλλὰ ἐκοιμήθησαν καὶ οὐκ ἀναστήσονται ἐσβέσθησαν ὡς λίνον ἐσβεσμένον.
Esaïe 1.31 Ezéchiel 38.8-38.18 Psaumes 118.12 Apocalypse 20.8-20.9 Psaumes 76.5-76.6
¹⁸ μὴ μνημονεύετε τὰ πρῶτα καὶ τὰ ἀρχαῖα μὴ συλλογίζεσθε.
Esaïe 65.17 Esaïe 46.9 1 Chroniques 16.12 Jérémie 16.14-16.15 Deutéronome 8.2
¹⁹ ἰδοὺ ποιῶ καινὰ ἃ νῦν ἀνατελεῖ καὶ γνώσεσθε αὐτά καὶ ποιήσω ἐν τῇ ἐρήμῳ ὁδὸν καὶ ἐν τῇ ἀνύδρῳ ποταμούς.
Esaïe 48.6 Esaïe 42.9 2 Corinthiens 5.17 Esaïe 41.18 Apocalypse 21.5
²⁰ εὐλογήσει με τὰ θηρία τοῦ ἀγροῦ σειρῆνες καὶ θυγατέρες στρουθῶν ὅτι ἔδωκα ἐν τῇ ἐρήμῳ ὕδωρ καὶ ποταμοὺς ἐν τῇ ἀνύδρῳ ποτίσαι τὸ γένος μου τὸ ἐκλεκτόν.
Esaïe 41.17 Esaïe 48.21 Jean 4.14 Esaïe 49.10 Esaïe 13.22
²¹ λαόν μου ὃν περιεποιησάμην τὰς ἀρετάς μου διηγεῖσθαι.
1 Pierre 2.9 Psaumes 102.18 1 Corinthiens 10.31 Esaïe 60.21 Luc 1.74-1.75
²² οὐ νῦν ἐκάλεσά σε Ιακωβ οὐδὲ κοπιᾶσαί σε ἐποίησα Ισραηλ.
Malachie 3.14 Malachie 1.13 Michée 6.3 Jérémie 10.25 Osée 7.10-7.14
²³ οὐκ ἐμοὶ πρόβατα τῆς ὁλοκαρπώσεώς σου οὐδὲ ἐν ταῖς θυσίαις σου ἐδόξασάς με οὐδὲ ἔγκοπον ἐποίησά σε ἐν λιβάνῳ.
Amos 5.25 Zacharie 7.5-7.6 Malachie 3.8 Malachie 1.6-1.8 Proverbes 21.27
²⁴ οὐδὲ ἐκτήσω μοι ἀργυρίου θυμίαμα οὐδὲ τὸ στέαρ τῶν θυσιῶν σου ἐπεθύμησα ἀλλὰ ἐν ταῖς ἁμαρτίαις σου καὶ ἐν ταῖς ἀδικίαις σου προέστην σου.
Jérémie 6.20 Esaïe 1.14 Esaïe 7.13 Psaumes 95.10 Ezéchiel 6.9
²⁵ ἐγώ εἰμι ἐγώ εἰμι ὁ ἐξαλείφων τὰς ἀνομίας σου καὶ οὐ μὴ μνησθήσομαι.
Hébreux 8.12 Hébreux 10.17 Esaïe 1.18 Jérémie 31.34 Michée 7.18-7.19
²⁶ σὺ δὲ μνήσθητι καὶ κριθῶμεν λέγε σὺ τὰς ἀνομίας σου πρῶτος ἵνα δικαιωθῇς.
Esaïe 1.18 Esaïe 43.9 Romains 8.33 Job 40.4-40.5 Job 40.7-40.8
²⁷ οἱ πατέρες ὑμῶν πρῶτοι καὶ οἱ ἄρχοντες αὐτῶν ἠνόμησαν εἰς ἐμέ.
Jérémie 5.31 Esaïe 28.7 Ezéchiel 16.3 Psaumes 78.8 Nombres 32.14
²⁸ καὶ ἐμίαναν οἱ ἄρχοντες τὰ ἅγιά μου καὶ ἔδωκα ἀπολέσαι Ιακωβ καὶ Ισραηλ εἰς ὀνειδισμόν.
Jérémie 24.9 Zacharie 8.13 Deutéronome 28.15-28.20 Psaumes 79.4 Lamentations 2.2