Fermer le panneau de recherche

Appuyez sur Entrée pour rechercher ou ESC pour annuler.

Psaumes 143
Biblia Hebraica Stuttgartensia


Prière pour la délivrance

1 מִזְמֹ֗ור לְדָ֫וִ֥ד יְהוָ֤ה׀ שְׁמַ֬ע תְּפִלָּתִ֗י הַאֲזִ֥ינָה אֶל־תַּחֲנוּנַ֑י בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃
Psaumes 71.2 1 Jean 1.9 Psaumes 140.6 Psaumes 31.1 2 Samuel 7.25
2 וְאַל־תָּבֹ֣וא בְ֭מִשְׁפָּט אֶת־עַבְדֶּ֑ךָ כִּ֤י לֹֽא־יִצְדַּ֖ק לְפָנֶ֣יךָ כָל־חָֽי׃
Ecclésiaste 7.20 Job 25.4 Psaumes 130.3 Romains 3.20 Job 14.3
3 כִּ֥י רָ֘דַ֤ף אֹויֵ֨ב׀ נַפְשִׁ֗י דִּכָּ֣א לָ֭אָרֶץ חַיָּתִ֑י הֹושִׁיבַ֥נִי בְ֝מַחֲשַׁכִּ֗ים כְּמֵתֵ֥י עֹולָֽם׃
Psaumes 88.4-88.6 Psaumes 7.1-7.2 Psaumes 7.5 Psaumes 31.12-31.13 Psaumes 35.4
4 וַתִּתְעַטֵּ֣ף עָלַ֣י רוּחִ֑י בְּ֝תֹוכִ֗י יִשְׁתֹּומֵ֥ם לִבִּֽי׃
Psaumes 77.3 Psaumes 142.3 Job 6.27 Luc 22.44 Psaumes 124.4
5 זָ֘כַ֤רְתִּי יָמִ֨ים׀ מִקֶּ֗דֶם הָגִ֥יתִי בְכָל־פָּעֳלֶ֑ךָ בְּֽמַעֲשֵׂ֖ה יָדֶ֣יךָ אֲשֹׂוחֵֽחַ׃
Psaumes 77.5-77.6 1 Samuel 17.45-17.50 Psaumes 77.10-77.12 Michée 6.5 1 Samuel 17.34-17.37
6 פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י׀ כְּאֶֽרֶץ־עֲיֵפָ֖ה לְךָ֣ סֶֽלָה׃
Psaumes 63.1 Job 11.13 Psaumes 88.9 Psaumes 42.1-42.2 Psaumes 84.2
7 מַ֘הֵ֤ר עֲנֵ֨נִי׀ יְהוָה֮ כָּלְתָ֪ה ר֫וּחִ֥י אַל־תַּסְתֵּ֣ר פָּנֶ֣יךָ מִמֶּ֑נִּי וְ֝נִמְשַׁ֗לְתִּי עִם־יֹ֥רְדֵי בֹֽור׃
Psaumes 69.17 Psaumes 28.1 Psaumes 27.9 Psaumes 88.4-88.6 Esaïe 57.16
8 הַשְׁמִ֘יעֵ֤נִי בַבֹּ֨קֶר׀ חַסְדֶּךָ֮ כִּֽי־בְךָ֪ בָ֫טָ֥חְתִּי הֹודִיעֵ֗נִי דֶּֽרֶךְ־ז֥וּ אֵלֵ֑ךְ כִּֽי־אֵ֝לֶיךָ נָשָׂ֥אתִי נַפְשִֽׁי׃
Psaumes 46.5 Psaumes 25.4-25.5 Esaïe 48.17 Psaumes 32.8 Esaïe 30.21
9 הַצִּילֵ֖נִי מֵאֹיְבַ֥י׀ יְהוָ֗ה אֵלֶ֥יךָ כִסִּֽתִי׃
Proverbes 18.10 Psaumes 61.3-61.4 Psaumes 59.1 Psaumes 142.5 Hébreux 6.18
10 לַמְּדֵ֤נִי׀ לַֽעֲשֹׂ֣ות רְצֹונֶךָ֮ כִּֽי־אַתָּ֪ה אֱלֹ֫והָ֥י רוּחֲךָ֥ טֹובָ֑ה תַּ֝נְחֵ֗נִי בְּאֶ֣רֶץ מִישֹֽׁור׃
Néhémie 9.20 Psaumes 25.4-25.5 Psaumes 119.12 Psaumes 23.3 Hébreux 13.21
11 לְמַֽעַן־שִׁמְךָ֣ יְהוָ֣ה תְּחַיֵּ֑נִי בְּצִדְקָתְךָ֓׀ תֹוצִ֖יא מִצָּרָ֣ה נַפְשִֽׁי׃
Psaumes 119.25 Psaumes 31.1 Psaumes 71.2 Ephésiens 2.4-2.5 Psaumes 37.39-37.40
12 וּֽבְחַסְדְּךָ֮ תַּצְמִ֪ית אֹ֫יְבָ֥י וְֽ֭הַאֲבַדְתָּ כָּל־צֹרֲרֵ֣י נַפְשִׁ֑י כִּ֝֗י אֲנִ֣י עַבְדֶּֽךָ׃
Psaumes 116.16 Psaumes 54.5 Psaumes 55.23 1 Samuel 26.10 Psaumes 52.5

Sauf erreur, cette Bible est dans le domaine public.