Psaumes 140.1
Biblia Hebraica Stuttgartensia

Prière pour être protégé des persécuteurs

¹ לַמְנַצֵּ֗חַ מִזְמֹ֥ור לְדָוִֽד׃
Psaumes 18.48 Psaumes 71.4 Psaumes 17.13 Psaumes 140.4 Habakuk 1.2-1.3
² (140.1) חַלְּצֵ֣נִי יְ֭הוָה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי׃
Psaumes 56.6 Psaumes 36.4 Psaumes 21.11 Proverbes 12.20 Psaumes 64.5-64.6
³ (140.2) אֲשֶׁ֤ר חָשְׁב֣וּ רָעֹ֣ות בְּלֵ֑ב כָּל־יֹ֝֗ום יָג֥וּרוּ מִלְחָמֹֽות׃
Psaumes 58.4 Psaumes 57.4 Psaumes 64.3-64.4 Jérémie 9.5 Jérémie 9.3
⁴ (140.3) שָֽׁנֲנ֣וּ לְשֹׁונָם֮ כְּֽמֹו־נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימֹו סֶֽלָה׃
Psaumes 71.4 Psaumes 36.11 Psaumes 17.8-17.9 Proverbes 18.5 Psaumes 55.1-55.3
⁵ (140.4) שָׁמְרֵ֤נִי יְהוָ֨ה׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָ֝שְׁב֗וּ לִדְחֹ֥ות פְּעָמָֽי׃
Psaumes 35.7 Psaumes 142.3 Psaumes 57.6 Jérémie 18.22 Psaumes 36.11
⁶ (140.5) טָֽמְנֽוּ־גֵאִ֨ים׀ פַּ֡ח לִ֗י וַחֲבָלִ֗ים פָּ֣רְשׂוּ רֶ֭שֶׁת לְיַד־מַעְגָּ֑ל מֹקְשִׁ֖ים שָֽׁתוּ־לִ֣י סֶֽלָה׃
Psaumes 16.2 Psaumes 142.5 Psaumes 31.14 Psaumes 28.1-28.2 Psaumes 116.1
⁷ (140.6) אָמַ֣רְתִּי לַ֭יהוָה אֵ֣לִי אָ֑תָּה הַאֲזִ֥ינָה יְ֝הוָ֗ה קֹ֣ול תַּחֲנוּנָֽי׃
Psaumes 144.10 2 Samuel 8.6 Psaumes 27.1 Esaïe 12.2 1 Samuel 17.36-17.37
⁸ (140.7) יְהֹוִ֣ה אֲ֭דֹנָי עֹ֣ז יְשׁוּעָתִ֑י סַכֹּ֥תָה לְ֝רֹאשִׁ֗י בְּיֹ֣ום נָֽשֶׁק׃
Psaumes 27.12 Job 5.12-5.13 Psaumes 10.2-10.3 Psaumes 94.20-94.21 2 Samuel 15.31
⁹ (140.8) אַל־תִּתֵּ֣ן יְ֭הוָה מַאֲוַיֵּ֣י רָשָׁ֑ע זְמָמֹ֥ו אַל־תָּ֝פֵ֗ק יָר֥וּמוּ סֶֽלָה׃
Psaumes 7.16 Proverbes 18.7 Proverbes 12.13 Esther 5.14 Matthieu 27.25
¹⁰ (140.9) רֹ֥אשׁ מְסִבָּ֑י עֲמַ֖ל שְׂפָתֵ֣ימֹו יְכַסֵּֽימֹו׃
Psaumes 11.6 Psaumes 21.9 Matthieu 13.42 Proverbes 28.17 Psaumes 120.4
¹¹ (140.10) יִמֹּ֥וטוּ עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּ֝מַהֲמֹרֹ֗ות בַּֽל־יָקֽוּמוּ׃
Psaumes 34.21 Proverbes 18.21 Psaumes 9.16 Proverbes 13.21 Proverbes 6.17
¹² (140.11) אִ֥ישׁ לָשֹׁון֮ בַּל־יִכֹּ֪ון בָּ֫אָ֥רֶץ אִישׁ־חָמָ֥ס רָ֑ע יְ֝צוּדֶ֗נּוּ לְמַדְחֵפֹֽת׃
Psaumes 9.4 1 Rois 8.45 1 Rois 8.49 Jérémie 22.16 Psaumes 35.10
¹³ (140.12) יָדַ֗עְתִּי כִּֽי־יַעֲשֶׂ֣ה יְ֭הוָה דִּ֣ין עָנִ֑י מִ֝שְׁפַּ֗ט אֶבְיֹנִֽים׃
Psaumes 16.11 Psaumes 11.7 Apocalypse 7.14-7.17 Esaïe 3.10 1 Thessaloniciens 4.17
¹⁴ (140.13) אַ֣ךְ צַ֭דִּיקִים יֹוד֣וּ לִשְׁמֶ֑ךָ יֵשְׁב֥וּ יְ֝שָׁרִ֗ים אֶת־פָּנֶֽיךָ׃