×

Appuyez sur Entrée pour rechercher ou ESC pour annuler.

Accueil  /  Bible  /  Bible de Genève  / 1 Thessaloniciens 1     

1 Thessaloniciens 1
Bible de Genève


Salutation et louange

1 Paul et Silvain, et Timothée, à l’Eglise des Thessaloniciens, qui est en Dieu le Pere, et au Seigneur Jésus Christ: Grace vous soit et paix, de par Dieu nostre Pere, et de par le Seigneur Jésus Christ.
2 Nous rendons toûjours graces à Dieu de vous tous, faisons mention de vous en nos prieres:
3 Nous ramentevans sans cesse l’oeuvre de vostre foi, et le travail de vostre charité, et la patience de vostre esperance que vous avés en nostre Seigneur Jésus Christ devant nostre Dieu et Pere:
4 Sçachans, frères bien-aimez de Dieu, vostre élection.
5 Car nostre predication de l’Evangile n’a point esté en vostre endroit, seulement en parole, mais aussi en vertu, et en Saint Esprit, et en grande certitude, ainsi que vous sçavez quels nous avons esté entre vous pour l’amour de vous.
6 Aussi avez-vous esté imitateurs de nous, et du Seigneur: ayans receu avec joye du Saint Esprit la Parole accompagnée de grande affliction:
7 Tellement que vous avez esté pour patron à tous les croyans en la Macedone et en l’Achaïe.
8 Car la parole du Seigneur a retenti de par vous, non seulement en la Macedone et en l’Achaïe, mais aussi en tous lieux: et vostre foi envers Dieu est divulguée, tellement qu’il ne nous est pas besoin d’en rien dire:
9 Car eux-mesmes racontent de nous, quelle entrée nous avons euë vers vous, et comment vous avez esté convertis des idoles à Dieu, pour servir le Dieu vivant et vrai:
10 Et pour attendre des cieux son Fils Jésus, qu’il a ressuscité des mors, lequel nous delivre de l’ire à venir.

Cette Bible est dans le domaine public.